சீரகம், மிளகு, கொத்தமல்லி, மூன்றையும் கலந்து எடுத்து வைத்துக் கொள்ளவும், மிளகாயை தனியாக எடுத்து வைத்துக் கொள்ளவும், துவரம் பருப்பு, மற்றும் பெருங்காயத்தூள் கருவேப்பிலை எடுத்து வைத்துக் கொள்ளவும்.

கடாயை அடுப்பில் வைத்து சூடு ஏறியவுடன்,பெருங்காயத்தூள் முதலில் போட்டு அதனுடன் சீரகம் மிளகு கொத்தமல்லி சேர்க்கவும், துவரம் பருப்பை சேர்க்கவும், வாசம் வரும் வரை எல்லாவற்றையும் வறுக்கவும்,. சூடு ஏறும் வரை வறுத்தால் இவற்றை தனியாக எடுத்து வைத்துவிட்டு வரமிளகாயை லேசாக சிவக்கும் வரை வறுக்கவும், அதனுடன் கறிவேப்பிலை சேர்க்கவும்.

அனைத்து பொருட்களையும் ஒன்று சேர்த்து,ஆறவிட்டு மிக்ஸியில் போட்டு சிறிது கரகரப்பாக அரைக்கவும். காற்றுப் புகாத டப்பாவில் போட்டு நன்றாக மூடி வைத்துக் கொள்ளவும். அப்பொழுதுதான் ரசப்பொடி வாசம் போகாது. இனி மிக எளிதாக ரசம் வைக்க ரசப்பொடி தயார்.