துவரம்பருப்பு பாசிப்பருப்பு கடலைப்பருப்பு மற்றும் மசூர் பருப்பு எல்லாவற்றையும் நன்கு கழுவிக் கொள்ளவும். நன்கு தண்ணீர் வடித்து கொள்ளவும்.குக்கரில் ஒரு ஸ்பூன் எண்ணெய் விட்டு பருப்புகளை சூடேறும் வரை நன்கு வறுத்துக் கொள்ளவும்.பருப்புடன் கால் ஸ்பூன் மஞ்சள் தூள் சே்க்கவும். பிறகு பருப்புடன் 3 கப் தண்ணீர் சேர்த்து ஆறு சவுண்ட் விடவும்.

கடாயில் ஒரு ஸ்பூன் நெய் சேர்த்து,அதில் ஒரு ஸ்பூன் சீரகம் மூன்று ஏலக்காய், ஒரு வரமிளகாய்,ஒரு பிரிஞ்சி இலை சேர்த்து வறுக்கவும். பிறகு பொடியாக அரிந்த ஒரு பெரிய வெங்காயத்தை சேர்த்து சிவக்க வறுக்கவும். அதனுடன் ஒரு ஸ்பூன் இஞ்சி பூண்டு பேஸ்டை சேர்க்கவும். பிறகு இரண்டு பச்சைமிளகாயை நீள வாக்கில் அரிந்து சேர்க்கவும். அதனுடன் பொடியாக அரிந்த ஒரு தக்காளியை நன்கு மசியும் வரை வதக்கவும். மீண்டும் அதனுடன் கால் ஸ்பூன் மஞ்சள் தூள், உப்புசேர்க்கவும்.

வேக வைத்த பருப்பை நன்கு மசித்து கொள்ளவும்.பிறகு வதக்கிய வெங்காய தக்காலியுடன் பருப்பை சேர்த்து தேவைான அளவு தண்ணீர் சேர்த்து 5 நிமிடங்கள் மூடி வைத்து வேக விடவும்.பிறகு அரை ஸ்பூன் கரம் மசாலா சேர்க்கவும். அறிந்த கொத்தமல்லி தழையை கடைசியாக சேர்க்கவும். சுவையான புரத சத்து மிகுந்த மிக்ஸ் தால் பிரை ரெடி. இதை சப்பாத்தி மற்றும் சாதத்துடன் சேர்த்து சாப்பிட சுவையாக இருக்கும்.