முதலில் மாங்காயை நன்றாகக் கழுவி சிறிய துண்டுகளாக நறுக்கிக் கொள்ளவும்.வாணலியில் நல்லெண்ணெய் சேர்த்து காய்ந்ததும் கடுகு, வெந்தயம், பெருங்காயத்தூள் சேர்த்து தாளிக்கவும். கடுகு பொரிந்ததும் கறிவேப்பிலை, நறுக்கிய சின்ன வெங்காயம், பூண்டு சேர்த்து நன்றாக வதக்கவும். வெங்காயம் வதங்கியதும் நறுக்கிய தக்காளி சேர்த்து தேவையான அளவு உப்பு, மஞ்சள் தூள், மிளகாய்த்தூள், மல்லித்தூள் சேர்த்து தக்காளி கரையும் வரை வேக வைக்கவும்.

தக்காளி நன்றாக கரைந்து வெந்ததும் நறுக்கி வைத்துள்ள மாங்காய் சேர்த்து வதக்கவும். பின் கரைத்து வைத்த புளி மற்றும் தேவையான அளவு தண்ணீர் சேர்த்து நன்றாக கொதிக்கவிடவும்.

குழம்பு கொதித்து எண்ணெய் பிரிந்து வரும் நிலையில் வெல்லம் சேர்த்து நன்றாக கலக்கவும். அதன் பின் நறுக்கிய கொத்தமல்லி இலை சேர்த்து இறக்கவும் சுவையான மாங்காய் குழம்பு தயார். சூடான சாதத்துடன் சாப்பிட அருமையாக இருக்கும்.