முதலில் பாஸ்மதி அரிசியை தண்ணீர் ஊற்றி நன்கு கழுவி சுத்தம் செய்து தேவையான அளவு தண்ணீர் ஊற்றி ஊற வைத்து கொள்ளவும். பாலக் கீரையை தண்ணீரில் நன்றாக கழுவி சுத்தம் செய்து சிறு சிறு துண்டுகளாக நறுக்கி வைத்துக் கொள்ள வேண்டும்.

குக்கரில் எண்ணெய், நெய் ஊற்றி சோம்பு, பிரியாணி இலை, பட்டை, கிராம்பு சேர்த்து தாளித்து வெங்காயம் நீளமாக நறுக்கியது பச்சை மிளகாய், உப்பு சிறிதளவு சேர்த்து நன்கு பொன்னிறமாக வதக்கவும். பிறகு இஞ்சி பூண்டு விழுது சேர்த்து நன்கு பச்சை வாசனை போகும் வரை வதக்கவும்.

தேவைப்பட்டால் தக்காளி சேர்த்து வதக்கவும். மஞ்சள் தூள், மிளகாய் தூள், கரமசாலா, மல்லி தூள், சீரகத்தூள் சேர்த்து நன்றாக வதக்கவும்.

பிறகு 1 1/2 டம்ளர் தண்ணீர் ஊற்றி உப்பு, காரம் சரிபார்த்து கொள்ளவும்.தண்ணீர் லேசாக கொதி வந்ததும் ஊற வைத்த அரிசியை தண்ணீர் இல்லாமல் வடித்து இதில் சேர்த்து கலந்து விடவும்.

குக்கரை மூடி மிதமான தீயில் 2 விசில் விட்டு இறக்கவும். சுவையான சத்தான பாலக் கீரை புலாவ் தயார். நன்றி