பாலக் கீரையை நன்றாக சுத்தம் செய்து காம்பை நீக்கி விட்டு கீரையை தண்ணீர் இல்லாமல் உலர்த்தவும். பின்னர் கீரையை நீள வாக்கில் மெலிதாக வெட்டிக் கொள்ளவும். ஒரு வானலியில் வெள்ளை எள்ளை நன்றாக பொரியும் வரை வறுத்து எடுத்துக் கொள்ளவும்.

காய்ந்த மிளகாயை சிறு சிறு துண்டுகளாக்கி அதில் 2 ஸ்பூன் சர்க்கரை சேர்த்து இடித்து எடுத்துக் கொள்ளவும். பின்னர் வானலியில் பொரிப்பதற்கு தேவையான அளவு எண்ணெய் சேர்த்து நன்றாக சூடு வந்ததும் அதில் கீரையை சேர்த்து பொரித்து எடுத்துக் கொள்ளவும்.

எண்ணெய் உரிஞ்சும் டிஸ்யூ பேப்பரில் வைத்து பின் ஒரு தட்டில் கீரையை எடுத்துக் கொண்டு அதில் தேவையான அளவு உப்பு, வறுத்த எள்ளு, பொடித்து வைத்துள்ள மிளகாய் சர்க்கரையை தூவி நன்றாக கலந்து கொள்ளவும். உடனடியாக பரிமாறவும். (வறுக்கும் எண்ணெயுடன் 2ஸ்பூன் நெய்யும் சேர்த்துக் கொண்டால் கீரையின் மணமும், சுவையும் கூடும்.)