முளைக்கட்டிய தானிய சாலட்

பச்சைப் பயிறு, கொள்ளு, கருப்பு கொண்டைக்கடலை ஆகியவற்றை நன்கு கழுவிய பின்னர் தேவையான அளவு தண்ணீர் சேர்த்து 8மணி நேரம் ஊற விடவும். பின்னர் தண்ணீரை வடிகட்டி ஒரு காட்டன் துணியில் நீர் இல்லாமல் இரவு முழுவதும் கட்டி வைத்தால் பயிர்கள் அனைத்தும் முளை விட்டு இருக்கும்.

முளைக்கட்டிய பயிர்களை ஆவியில் வேக வைத்து எடுத்துக் கொள்ளவும். பின்னர் ஒரு கிண்ணத்தில் வேக வைத்து எடுத்த பயிர்களுடன் பொடியாக நறுக்கிய வெங்காயம், தக்காளி, வெள்ளரிக்காய் சேர்த்து கலந்துகொள்ளவும். பின்னர் பரிமாறுவதற்கு முன்னர் சாட் மசாலா, உப்பு, எலுமிச்சை சாறு, மிளகு தூள், பொடியாக நறுக்கிய கொத்த மல்லி ஆகியவற்றை கலந்து பரிமாறவும்.