வாணலியில் எண்ணெய் மற்றும் நெய் சேர்த்து அதில் பட்டை,கிராம்பு, ஏலக்காய்,அன்னாசி மொக்கு, சோம்பு,கல்பாசி சேர்த்து தாளிக்கவும். பச்சைமிளகாய் கருவேப்பிலை சேர்க்கவும்.

பிறகு வெங்காயம் சேர்த்து நன்கு வதங்கியவுடன் இஞ்சி பூண்டு விழுது சேர்த்து நன்கு வதக்கவும். இதனுடன் தக்காளியைச் சேர்த்து வதக்கவும். இதில் புதினா இலை சேர்க்கவும்.பின்பு தயிர் சேர்த்து வதக்கவும்.

இதில் கரம் மசாலா,மிளகாய்த்தூள், உப்பு,கொத்தமல்லித் தூள், பிரியாணி மசாலா, மஞ்சள் தூள் சேர்த்து வதக்கவும்.

பின்பு அரிசி சேர்த்து நன்கு வதக்கவும். தேவையான அளவு தண்ணீர் சேர்த்து குக்கரில் வெயிட் போடாமல் மூடி வைக்கவும்.அரிசி முக்கால் பதம் வெந்தவுடன் ஒரு விசில் விட்டு 5 நிமிடம் சிம்மில் வைக்கவும். சுவையான காளான் பிரியாணி தயார்.