ஐந்து மணி நேரம் ஊற வைத்த கொண்டைக் கடலையுடன் பட்டை, லவங்கம்,ஏலக்காய், பிரிஞ்சி இலை,டீ தூள், தேவைக்கேற்ப உப்பு சேர்த்து ஐந்து விசில் விட்டு வேக வைக்கவும்

உருளைக்கிழங்கை வேகவைத்து சிறியதாக நறுக்கி வைக்கவும்.

மிதமான தீயில் கடாயை வைத்து ஒரு டேபிள்ஸ்பூன் எண்ணெய் ஊற்றி சீரகம் ஏலக்காய் பட்டை தாளித்து, வெங்காய விழுதை சேர்த்து பொன்னிறமாகும் வரை அடிப்பிடிக்காமல் வதக்கவும்.பின்பு இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.

பச்சை வாசனை போனவுடன் சிவப்பு மிளகாய்த்தூள், தனியாத்தூள், கரம் மசாலா, ஆம்சூர் பொடி, சீரகத்தூள், மஞ்சள்தூள் இவை அனைத்தையும் அதனுடன் கலந்து ஒரு நிமிடம் வதக்கி, அரைத்த தக்காளி விழுது மற்றும் தேவைக்கேற்ப உப்பு சேர்த்து கொதிக்கவிடவும்.

தக்காளி கொதித்து எண்ணெய் பிரிந்து வந்தவுடன், மேலும் சிறிது தண்ணீர் சேர்த்து வேக வைத்த கொண்டைக்கடலை மற்றும் உருளைக்கிழங்கை சேர்த்து மூடி வைத்து மிதமான தீயில் 10 நிமிடம் கொதிக்க வைக்கவும்.

அடுப்பை அணைத்து கொத்தமல்லி இலை தூவி சூடான பட்டூரா உடன் பரிமாறவும்.