1கப் பாசுமதி அரிசி கழுவி 2 1/2 கப் தண்ணீர் விட்டு குக்கரில் 4 விசில் விட்டு வேக விடவும். வெந்த சாதத்தை 1 டீஸ்பூன் ஆயில் விட்டு ஒரு கிண்ணத்தில் சேர்த்து வைக்கவும்.பெரிய வெங்காயம் 2 தோல் நீக்கி கழுவி நீளமாக நறுக்கி வைக்கவும்.

தக்காளி 4 கழுவி நறுக்கி வைக்கவும்.பச்சை மிளகாய் 2 கழுவி நறுக்கி வைக்கவும். இஞ்சி பூண்டு விழுது 1 டீஸ்பூன் அரைத்து வைக்கவும். கருவேப்பிலை சிறிது கழுவி எடுத்து வைக்கவும்.தாளிக்க கடுகு, உளுந்து பருப்பு, கடலை பருப்பு சோம்பு தலா 1 டீஸ்பூன் எடுத்து வைக்கவும்.மஞ்சள் தூள் 1/2 டீஸ்பூன்,மிளகாய் தூள் 1 டீஸ்பூன்,கரம் மசாலா 1 டீஸ்பூன் உப்பு எடுத்து வைக்கவும்.

குக்கரில் நெய் 2 டீஸ்பூன், ஆயில் 3 டீஸ்பூன் சேர்த்து கடுகு,உளுந்து பருப்பு, கடலை பருப்பு,சோம்பு கருவேப்பிலை தாளித்து நறுக்கிய பெரிய வெங்காயம்,இஞ்சி பூண்டு விழுது,நறுக்கிய பச்சை மிளகாய், சேர்த்து வதக்கி உப்பு சேர்க்கவும்.மஞ்சள் தூள் மிளகாய் தூள்,கரம் மசாலா தூள் சேர்த்து வதக்கி நறுக்கிய தக்காளி சேர்த்து கலக்கி அடுப்பை சிம்மில் வைத்து 10 நிமிடம் மூடி வைத்து,அடிக்கடி கிளறவும்.

ஊற்றிய ஆயில் மேலே வரும் வரை கொதிக்க விட்டு இறக்கி, வெந்த சாதத்துடன் சேர்த்து கிளறவும்.சுவையான தக்காளி சாதம் ரெடி.😋😋