மேல் மாவு செய்ய: மைதா உடன் மஞ்சள் தூள் உப்பு சேர்த்து நன்கு கலந்து நெய் விட்டு பிசிறி பின் சிறிது சிறிதாக தண்ணீர் சேர்த்து பிசைந்து எண்ணெய் ஊற்றி பிசைந்து மூன்று மணி நேரம் வரை ஈரத்துணி சுற்றி வைக்கவும்

பூரணம் செய்ய: ஒரு மிக்ஸியில் பொடியாக நறுக்கிய மாம்பழம் தேங்காய் துருவல் பொடித்த வெல்லம் மற்றும் ஏலக்காய் சேர்த்து நன்கு நைசாக அரைக்கவும்

வாணலியில் நெய் விட்டு சூடானதும் அரைத்த விழுதை சேர்த்து வதக்கவும்

பாத்திரத்தில் ஒட்டாமல் சுருண்டு வரும் வரை கைவிடாமல் கெட்டியாக கிளறி இறக்கி ஆறவிடவும்

சின்ன பிளாஸ்டிக் கவரில் எண்ணெய் தடவி பிசைந்த மைதாவில் சின்ன லெமன் அளவு எடுத்து எண்ணெய் தொட்டு மெல்லியதாக தட்டி நடுவில் பூரணம் சிறிதை பரவலாக வைத்து மூடி பின் மீண்டும் சற்று மெல்லியதாக தட்டவும்

பின் சூடான தோசைக்கல்லில் எண்ணெய் மற்றும் நெய் கலந்து விட்டு தட்டிய போளியை போடவும் இரண்டு புறமும் திருப்பி போட்டு வெந்ததும் எடுக்கவும்

சுவையான மாம்பழ போளி ரெடி இந்த பூரணத்தை பயன்படுத்தி சுழியன்,கொழுக்கட்டை போன்ற எந்த உணவையும் செய்யலாம்