முதலில் 3/4 லிட்டர் பாலை நன்கு காய்சவும்.10 பாதாம் பருப்பு முந்திரி பருப்பு இரண்டையும் தண்ணீரில் ஊற வைத்துக் கொள்ளவும்.ஒரு ஸ்பூன் கசகசாவை சிவக்க வறுத்து தண்ணீரில் ஊற வைத்துக் கொள்ளவும். ஏலக்காயை 1 ஸ்பூன் அளவிற்கு பொடி ஆக செய்து கொள்ளவும். ஒரு சிட்டிகை குங்குமப் பூவை பாலில் ஊற வைத்துக் கொள்ளவும்.

ஒரு கப்மைதா, ஒரு கப் ரவை இரண்டையும் ஒன்றாக கலந்து அதில் கால் ஸ்பூன் ஏலக்காய் பொடி, மற்றும் ஒரு சிட்டிகைஉப்பு ஒரு ஸ்பூன் நெய் சேர்த்து நன்றாக பிசறிக் கொள்ளவும். அரை கப் தண்ணீர் சேர்த்து பூரி மாவு பதத்தில் பிசைந்து கொள்ளவும். ஒரு கால்மணி நேரம் ஊறவைக்கவும்.

இப்போது ஊறவைத்த பாதாம் பருப்பு, முந்திரிபருப்பு, கசகசா மூன்றையும் கொஞ்சமாக பால் சேர்த்து மிக்ஸியில் நைஸாக அரைத்துக் கொள்ளவும். அரைத்த இந்த விழுதை காய வைத்த மற்றும் பாலில் சேர்த்து கொதிக்க வைக்கவும். இதனுடன் அரை கப் சர்க்கரை சேர்த்துக் கொள்ளவும். ஓரளவு பால் சுண்டிய பிறகு அதில் மீதி ஏலக்காய் தூள் மற்றும் பாலில் cஊறவைத்த குங்குமப்பூவை சேர்க்கவும்.

இப்போது பிசைந்த மைதா மாவை மெலிதாக மற்றும், பெரிதாக, பூரி கட்டை கொண்டு தேய்த்துக் கொள்ளவும். ஒரு சிறிய கப் கொண்டு ஒரே மாதிரி வட்டவடிவமாக கட் செய்து கொள்ளவும். எல்லா மாவையும் இதே போல் செய்து கொள்ளவும்.

ஒரு வானலியில் பொரித்தெடுக்க தேவையான எண்ணெய் சேர்த்து சூடு செய்யவும். தேய்த்த பூரிகளை எண்ணெயில் உப்பலாக பொரித்தெடுக்கவும். பொரித்த பூரியை தேவையான எண்ணிக்கையில் எடுத்து ஒரு கப்பில் வைத்து காய்த்த பாதாம் பாலை மேலே ஊற்றி நறுக்கிய பாதாம், முந்திரிப் பருப்புகளைத் தூவி அலங்கரித்து பத்து நிமிடத்துக்கு மேல் ஊறவைத்து பூரி ஊரியவுடன் சாப்பிடவும். சுவையான பால் போளி தயார். குளிர்சாதனப் பெட்டியில் வைத்து ஜில்லென்று சாப்பிடலாம்.