பாவக்காய் பச்சடி

ஒரு பாகற்காயை கழுவி வட்டவடிவமாக அரிசி கழுவிய தண்ணீரில் அரிந்து போடவும். பத்து நிமிடம் வரை கழுநீரில் இருக்கட்டும். பிறகு ஒரு வாணலியில் அரை ஸ்பூன் எண்ணெய் விட்டு பாகற்காயை லேசாக வதக்கிக் கொள்ளவும். பின்பு அதில் கால் ஸ்பூன் மஞ்சள் தூள், ஒரு ஸ்பூன் சாம்பார் தூள்,உப்பு தேவையான அளவு சேர்த்து கொள்ளவும். பிறகு அதில் புளித்தண்ணீர் சேர்த்து வேக வைத்துக் கொள்ளவும்.

நான்கு ஸ்பூன் வெள்ளை எள்ளை சிவக்க வறுத்து பொடி செய்து கொள்ளவும். காய் வெந்து விட்ட பின் அதில் ஒரு ஸ்பூன் அளவு அல்லது தங்களுக்கு தேவையான அளவு சர்க்கரை சேர்த்து கொதிக்க வைத்துக் கொள்ளவும். கடைசியாக பொடி செய்த எள்ளை சேர்த்து நன்கு கலக்கி விடவும்

அரை ஸ்பூன் எண்ணெய் விட்டு சூடேறியதும் கடுகு, உளுத்தம் பருப்பு, பெருங்காயத் தூள் மற்றும் கறிவேப்பிலை சேர்த்து தாளித்து குழம்பில் சேர்க்கவும். சுவையான பாகற்காய் என்று பச்சடி தயார்.சாதத்தில் நல்லெண்ணெய் சேர்த்து பிசைந்து சாப்பிட்டால் சுவையாக இருக்கும். தயிர் சாதத்திற்கு தொட்டுக்கொள்ள சுவையாக இருக்கும்.