முதலில் ஒரு பாத்திரத்தில் பாகற்காயைப் போட்டு அதனுடன் சிறிதளவு உப்பு மற்றும் மஞ்சள் தூள் சேர்த்து அரை மணி நேரம் ஊற வைத்துக் கொள்ளவும்.

அடுத்து ஒரு பாத்திரத்தில் புளியைப் போட்டு தேவையான அளவு தண்ணீர் ஊற்றி ஊற வைத்து கரைத்து வடிகட்டி வைத்துக் கொள்ளவும்.

பின்பு வெறும் வாணலியை அடுப்பில் வைத்து, காய்ந்த மிளகாய், கடலைப் பருப்பு, கொத்தமல்லி, சோம்பு ஆகியவற்றைப் போட்டு வறுத்து அதனுடன் தேங்காய் துருவலை சேர்த்து மிக்ஸ் பண்ணி மிக்ஸி ஜாரில் போட்டு அரைத்து வைத்துக் கொள்ளவும்.

அடுத்து பூண்டு, வெங்காயம் இரண்டையும் தோல் உரித்து வைத்துக் கொள்ளவும்.பின்பு தக்காளியை பொடி பொடியாக நறுக்கி வைத்துக் கொள்ளவும்.

பின்னர் ஒரு வாணலியில் தேவையான அளவு நல்லெண்ணெயை ஊற்றி சூடானதும் அதில் கடுகு, ஜீரகம், வெந்தயம், பெருங்காயம் சேர்த்து தாளித்து, அதனுடன் வெங்காயம், பூண்டு, தக்காளி ஆகியவற்றை சேர்த்து வதக்கவும்.

இத்துடன் கறிவேப்பிலையையும் போட்டு வதக்கி, அதனோடு பாகற்காயை சேர்த்து வதக்கவும்.

பாகற்காய் நன்கு வதங்கிய பின் அதில் மஞ்சள் தூள், சாம்பார் தூள் சேர்த்து நன்றாகக் கிளறி விடவும்.