ஹோட்டல் ஸ்டைல் கீரை கூட்டு

அரிசி கழுவிய தண்ணீரில் கீரையை ஆய்ந்து இரண்டு மூன்று முறை கழுவிக் கொள்ளவும். கீரையின் இளம் தண்டுகளை பொடியாக அரிந்து கீரையுடன் சேர்த்து அலசி கொள்ளவும்.தூக்கி போட வேண்டாம். 4 பச்சை மிளகாய்,பத்து சிறிய வெங்காயம், நான்கு பல் பூண்டு எடுத்து வைத்துக் கொள்ளவும். ஒரு பாத்திரத்தில் கீரையை போட்டு அதில் வெங்காயம், பூண்டு பல், பச்சை மிளகாய் சேர்த்து கொள்ளவும். கீரை நன்கு முழுகும் அளவிற்கு தண்ணீர் ஊற்றி கொள்ளவும். கீரையை வேக விடவும். மூடி போட வேண்டாம்.

ஒரு சிட்டிகை அளவிற்கு சோடா உப்பு விருப்பமிருந்தால் சேர்த்துக்கொள்ளலாம். கீரையின் பச்சை நிறம் மாறாது. கீரையை மூடி போட்டு வேக வைக்க வேண்டாம். கீரை வெந்தவுடன் அதில் வேக வைத்த துவரம் பருப்பை சேர்க்கவும்.

கீரை சூடாக இருக்கும்போதே தேவையான அளவு உப்பு சேர்த்து மத்து கொண்டு நன்கு கடைந்து கொள்ளவும். அல்லது மிக்ஸியில் சேர்த்து ஒரே சுற்று ஓட்டி கொள்ளவும். ஒரு தாளிக்கும் கரண்டியில் ஒரு ஸ்பூன் எண்ணெய் சேர்த்து சூடு ஆறியவுடன் அரை ஸ்பூன் கடுகு, கால் ஸ்பூன் சீரகம், கால் ஸ்பூன் வரகொத்தமல்லி, ரெண்டு வரமிளகாய் கிள்ளியது சேர்த்து தாளிக்கவும். இதை கீரையில் சேர்த்து மீண்டும் ஒரு முறை நன்கு கடைந்து கொள்ளவும்.