ஒரு உருளைக்கிழங்கை தோல் சீவி கழுவி சிறிய சதுர வடிவமாக நறுக்கி வேக வைக்கவும். ஒரு பெரிய வெங்காயம் நீளவாக்கில் நறுக்கவும். ஒரு தக்காளி நீளவாக்கில் நறுக்கவும்.வாணலியில் 4ஸ்பூன் ஆயில் ஊற்றி காய்ந்ததும் ஒரு ஸ்பூன் சோம்பு, சீரகம், மிளகு,பட்டை கிராம்பு, சிறிதளவு சேர்த்து லேசாக வறுக்கவும். சோம்பு சிறிதளவு சிவந்ததும் நறுக்கிய வெங்காயம் சேர்த்து 2 நிமிடம் வதக்கவும். ஒரு பெரிய தக்காளி 5 பல் பூண்டு சேர்த்து நன்கு வதக்கவும். ஆற விடவும்.

5 ஸ்பூன் தேங்காய் துருவல் இரண்டு முந்திரி சேர்த்து மிக்ஸியில் மைய அரைக்கவும்.ஒரு வாணலில் 3 ஸ்பூன் ஆயில் ஊற்றி காய்ந்ததும் தனியாத்தூள் இரண்டு ஸ்பூன், தனி மிளகாய் தூள் ஒரு ஸ்பூன,சேர்த்து பொங்கி வரும்வரை வறுக்கவும்.அடுப்பை சிம்மில் வைக்கவும்.வேக வைத்த உருளைக்கிழங்கு,அரைத்த மசாலா,தேவையான உப்பு ஒரு சிட்டிகை மஞ்சள்தூள்,கறிவேப்பிலை சிறிதளவு, அரை டீஸ்பூன் எவரஸ்ட் கரம் மசாலா சேர்த்து 3 டம்ளர் தண்ணீர் விட்டு கொதிக்க விடவும்.மல்லி இலை தூவி மூடி வைக்கவும் குழம்பு கொதித்து பச்சை வாசனை போனதும் இறக்கவும்.

சுவையான உருளைக்கிழங்கு சால்னா தயார். சப்பாத்தியுடன் சேர்த்து சாப்பிட மிகவும் சுவையாக இருக்கும். இட்லி தோசைக்கும் மிகவும் சுவையாக இருக்கும்.நீங்களும் செய்து பாருங்கள்