வாழைத்தண்டு சாம்பார்

பருப்பை வேக வைக்கவும். 10 சின்ன வெங்காயம் உரித்து கழுவி வைக்கவும். ஒரு தக்காளி நறுக்கி வைக்கவும். வாழைத்தண்டு கழுவி வட்டமாக நறுக்கி நார் எடுத்து சதுர வடிவில் நறுக்கி மோர் கலந்த நீரில் போட்டு வைக்கவும். பருப்பை ஒரு கரண்டி கொண்டு மசித்து விட்டு நறுக்கிய வாழைத்தண்டு தக்காளி உரித்த வெங்காயம் சாம்பார் பொடி ஒரு ஸ்பூன் தேவையான உப்பு சேர்த்து வேகவிடவும். வாழைத்தண்டு சீக்கிரம் வெந்துவிடும்

வாழைத்தண்டு வெந்ததும் தேவையான புளியை கரைத்து வடிகட்டி ஊற்றி சிம்மில் வைத்து ஒரு ஸ்பூன் கடுகு ஒரு வரமிளகாய் கருவேப்பிலை பெருங்காயத் தூள் தாளித்து சேர்க்கவும். அடுப்பை சிம்'மில் வைத்து 2 நிமிடம் கொதித்ததும் மல்லித் தழையை தூவி மூடி வைக்கவும். சுவையான வாழைத்தண்டு சாம்பார் தயார். நீங்களும் செய்து பாருங்கள்