எலுமிச்சை ரசம்🍋🍋

1தக்காளியை பொடியாக அரிந்து கொள்ளவும். ஒரு பச்சை மிளகாயை இரண்டாகக் கீறிக் கொள்ளவும்.ஒரு இன்ச் அளவு இஞ்சியை பொடியாக நறுக்கிக் கொள்ளவும். 2 டேபிள் ஸ்பூன் அளவு கொத்தமல்லித்தழையை பொடியாக அரிந்து வைத்து கொள்ளவும். அரை ஸ்பூன் மிளகை ஒன்று இரண்டாக உடைத்து கொள்ளவும். தாளிக்கத் தேவையான மற்ற பொருட்களை எடுத்து வைத்துக் கொள்ளவும். ஒரு பெரிய எலுமிச்சம் பழம், அரை பழம் எடுத்துக் கொள்ளவும். வேகவைத்த துவரம்பருப்பு ஒரு கப் எடுத்துக் கொள்ளவும்.

ஒரு பெரிய வாணலியில் பொடியாக அரிந்த தக்காளி, பொடியாக அரிந்த கொத்தமல்லித் தழை, இரண்டாக அரிந்த ஒரு பச்சை மிளகாய், பொடியாக அரிந்த இஞ்சி துண்டுகள், மஞ்சள்தூள்,மற்றும் நான்கு கப் தண்ணீர் சேர்த்து 10 நிமிடம் வேக விடவும். தக்காளி நன்கு வேகும் வரை வேக விடவும். தக்காளியை மசித்து கொள்ளவும். பிறகு அதில் குழைய வேக வைத்த துவரம்பருப்பை சேர்த்து கொள்ளவும். தேவையான அளவு உப்பு சேர்க்கவும்.

அதே சமயத்தில் ஒரு தாளிக்கும் கரண்டியில் நெய் சேர்த்து காய்ந்தவுடன் அதில் ஒரு ஸ்பூன் கடுகு,1/2 ஸ்பூன் சீரகம்,1 கிள்ளிய வரமிளகாய்,கறிவேப்பிலை கொஞ்சம், 1/4 ஸ்பூன்பெருங்காயத் தூள் மற்றும் 1/2 ஸ்பூன்மிளகு தூள் சேர்த்து தாளிக்கவும். இவற்றை ரசத்தில் சேர்க்கவும். அடுப்பை நிறுத்தி விடவும்.இப்போது அரிந்து வைத்த பாதி எலுமிச்சை பழத்தை விதையை நீக்கிவிட்டு சாரை ரசத்தில் பிழிந்து விடவும். நன்கு கலந்து விடவும்.

பரிமாறும் பாத்திரத்திற்கு ரசத்தை மாற்றி மூடி வைக்கவும். சுவையான எலுமிச்சை ரசம் தயார்.சூடான சாதத்தில் பிசைந்து சாப்பிட சுவையாக இருக்கும். சூப் போலவும் தனியாக குடிக்கலாம்.