வேகவைத்த துவரம் பருப்பு கால் கப் எடுத்து வைத்துக் கொள்ளவும்.ஒரு சிறு நெல்லிக்காய் அளவு புளியை ஊற வைத்து கரைத்து வைத்துக் கொள்ளவும். ரசப்பொடி தயாரிக்க ஒரு வாணலியில் கொஞ்சம் எண்ணெய் சேர்த்து சூடான பிறகு அதில் 12 வர மிளகாயை லேசாக வறுத்து எடுத்து வைத்துக் கொள்ளவும். வாணலியில் 2 டேபிள்ஸ்பூன் வரக்கொத்தமல்லி, ஒரு ஸ்பூன் சீரகம், கால் ஸ்பூன் வெந்தயம், கால் ஸ்பூன் கடுகு சேர்த்து வாசம் வர லேசாக வறுத்துக்கொள்ளவும். இவற்றை ஆறவைத்து மிக்ஸியில் பொடியக அரைத்துக் கொள்ளவும். தனியாக வைத்துக் கொள்ளவும்.

தக்காளி நன்கு மசிய வதங்கியவுடன் அதில் 4 கப் தண்ணீர் சேர்க்கவும். கால் ஸ்பூன் மஞ்சள் தூள், கால் ஸ்பூன் பெருங்காயத்தூள் சேர்க்கவும். கரைத்து வைத்த புளித்தண்ணீரை சேர்த்து கொள்ளவும். வேகவைத்த பருப்பை இப்போது சேர்த்துக் கொள்ளவும். எல்லாவற்றையும் நன்கு கலந்து விடவும். இதில் அரைத்து வைத்த ரசப் பொடி 2 ஸ்பூன் சேர்த்து கொள்ளவும். அவரவர் காரத்திற்கு ஏற்ப கூடவோ குறைத்தோ சேர்த்துக் கொள்ளவும்.ரசம் கொதிக்க ஆரம்பித்தவுடன் அடுப்பை நிறுத்தி விடவும்.

பொடியாக நறுக்கிய கொத்தமல்லித்தழை சேர்த்துக் கொள்ளவும். தாளிக்கும் கரண்டியில் ஒரு ஸ்பூன் நெய் சேர்த்து சூடாக்கி பிறகு அதில் 1 ஸ்பூன் கடுகு,1/2 ஸ்பூன் சீரகம் கருவேப்பிலை,2 வர மிளகாய் தாளித்து ரசத்தில் சேர்க்கவும். கடைசியாக கொஞ்சம் வெல்லம் சேர்த்துக் கொள்ளவும்.,