ஒரு பாத்திரத்தில் கோதுமை மாவு உப்பு சர்க்கரை பேக்கிங் பவுடர் கலந்து கொள்ளவும்.தயிர் விட்டு நன்கு கிளறி விடவும். சிறிதளவு நீர் சேர்த்து மென்மையாக மாவு பிசையவும்.அரைமணி நேரம் ஒரு துணி போட்டு மூடி வைக்கவும். ஒரு பெரியவெங்காயம் ஒரு குடை மிளகாய் நீள வாக்கில் அரிந்து வைக்கவும்.ஒரு தக்காளி ஒரு பெரிய வெங்காயம் 8 பல் பூண்டு 5 வரமிளகாய் வைத்து சட்னி தயார் செய்யவும்.

ஒரு வாணலில் மணல் பரப்பி மூடிவைத்து பிரீ ஹிட் செய்யவும். 8 நிமிடம் ப்ரீ ஹீட் செய்யவும் பிசைந்த மாவை மூன்று பாகமாக பிரித்து எலுமிச்சம்பழ அளவு மாவு எடுத்து கனமான வட்டமான சப்பாத்தி போல் இடவும். முள் கரண்டி கொண்டு குத்தி விடவும். ஒரு தட்டில் சிறிதளவு ஆயில் தடவி அந்த சப்பாத்தியை அதில் வைத்து ஒரு பக்கம் மட்டும் வேகவிடவும்.3 அல்லது 4 நிமிடம் வேக வைத்து வெளியே எடுத்து அதன் மீது பீட்சாவுக்கு செய்த சட்னி தடவவும்.

நீளவாக்கில் அரிந்த வெங்காயம், குடைமிளகாய்,வைத்து வட்டமாக நறுக்கிய தக்காளி வேக வைத்த இனிப்பு சோளம்,வைத்து துருவிய சீஸ்,கொண்டு டாப்பிங் செய்யவும். சில்லி ஃப்ளேக்ஸ் தூவி விடவும். மீண்டும் 8 நிமிடம் தவாவில் வைத்து வேக விடவும். சுவையான பீட்சா தயார். ஸ்வீட் கார்ன் வேக வைக்கும் பொழுது பச்சைப் பட்டாணிசேர்த்து வேகவைத்து பீட்சா மேல் சேர்த்தேன்.