🍲🐏மட்டன் கிரேவி 🐏 🍲

முதலில் இஞ்சி பூண்டு பட்டை மற்றும் கிராம்பை மிக்ஸி ஜாரில் சேர்த்து விழுதாக அரைத்துக்கொள்ளவும் அதனுடன் மிளகு சேர்த்து மீண்டும் அரைத்துக் கொள்ளவும்.

கடாயில் எண்ணெய் சேர்த்து எண்ணெய் காய்ந்ததும் புதினா கொத்தமல்லி சேர்த்து வதக்கியதும் சின்ன வெங்காயத்தை கொரகொரப்பாக அரைத்து சேர்க்கவும்.சின்னவெங்காயம் பச்சை வாசம் போக வதங்கியதும் அரைத்து வைத்துள்ள இஞ்சி பூண்டு விழுதை சேர்த்து மீண்டும் நன்றாக வதக்கவும். பின் நறுக்கிய தக்காளி சேர்த்து வதக்கவும்.

தக்காளி வதங்கியவுடன் மட்டனை சேர்த்து எண்ணெயில் நன்றாக 5 நிமிடம் மட்டனை வதக்கவும். மட்டன் வதக்கும் போதே தேவையான அளவு உப்பு, மிளகாய்த் தூள்,மஞ்சள் தூள்,மற்றும் மல்லித் தூள் சேர்த்து வதக்கவும். அப்பொழுதுதான் கறியில் மசாலா பிடிக்கும்.

தேங்காயை விழுதாக அரைத்துக் கொண்டு கடைசியாக சிறிது புதினா மற்றும் கொத்தமல்லி சேர்த்து அரைத்து கொள்ளவும். அரைத்த விழுதை வதங்கிய மட்டனில் சேர்த்து தேவையான அளவு தண்ணீர் சேர்த்து கொள்ளவும். பாத்திரத்தில் என்றால் சிம்மில் வைத்து அரை மணி நேரம் வேகவிடவும். அல்லது குக்கரில் மூன்று விசில் வைத்து எடுக்கவும்.

இறுதியாக சிறிது கரம் மசாலாத்தூள் சேர்த்து நன்றாக கொதிக்கவைத்து தேவைப்பட்டால் நறுக்கிய கொத்தமல்லி இலை தூவி இறக்கவும். சுவையான மட்டன் கிரேவி தயார்.