ஒரு பவுலில் மைதா மாவு, பேக்கிங் சோடா, பேக்கிங் பவுடர், சர்க்கரை, உப்பு,2 மேசைக்கரண்டி வெண்ணெய் இவற்றை சேர்த்து கலந்து விடவும்.ஒரு பவுலிங் பால் மற்றும் வினிகர் கலந்து 10 நிமிடம் அப்படியே வைக்கவும்.

பிறகு இந்த வினிகர் கலந்த பாலை மைதா மாவு கலவையுடன் சேர்த்து நன்கு சப்பாத்தி மாவு பதத்திற்கு பிசைந்து மேல் சிறிதளவு எண்ணெய் தடவி 10 நிமிடம் அப்படியே மூடி வைத்து கொள்ளவும்.

சின்னம்மன் கலவை செய்ய: ஒரு பவுலில் 2 மேசைக்கரண்டி வெண்ணெய், ப்ரௌன் சர்க்கரை, பட்டை தூள் சேர்த்து நன்கு கலந்து கொள்ளவும்.

பிறகு இந்த மாவை இரண்டு பங்காக பிரித்து வைக்கவும்.ஒரு பங்கை எடுத்து சப்பாத்தி கட்டையில் உருண்டயாக உருட்டி செவ்வக வடிவில் தேய்த்து அதன் மேல் இந்த சின்னம்மன் கலவை தேய்த்து கொள்ளவும்.

பிறகு அதை உருட்டி கொள்ளவும்.கத்தியால் சம பங்கு துண்டுகளாக நறுக்கி கொள்ளவும். அடுப்பில் கடாய் வைத்து உப்பு சேர்த்து ஸ்டான்ட் போட்டு மூடி வைத்து 10 ப்ரீஹுட் செய்யவும்.

ஒரு தட்டில் வெண்ணெய் தடவி அதன் மேல் இந்த துண்டுகளை வைத்து கடாயில் ஸ்டான்ட் மேல் வைத்து மூடி போட்டு 25 நிமிடம் வேக வைத்து எடுக்கவும்.

பிறகு மற்றொரு பங்கு மாவை உருண்டையாக உருட்டி செவ்வக வடிவில் தேய்த்து அதன் மேல் சின்னம்மன் கலவையை சேர்த்து தேய்த்து விட்டு அதை பாதியாக மடித்து விடவும்.

இன்னொரு பக்கத்தில் இருந்து மடித்து விட்டு லேசாக தேய்த்து இதனை சமமாக நறுக்கி கொள்ளவும். பிறகு ஒரு துண்டினை மேல் பகுதி‌ சிறிதளவு இடம் விட்டு அதை இரண்டாக நறுக்கி கொள்ளவும்.

பிறகு அதை மூன்று பகுதிகளாக பிரித்து சடை பின்னல் போல பின்னி அதை மடித்து கொள்ளவும். சில்வர் கிண்ணத்தில் வெண்ணெய் தடவி அதனுள் இந்த ரோல் வைத்து கடாயில் ஸ்டான்ட் மேல் வைத்து மூடி வைத்து 25 நிமிடம் வேக வைத்து எடுக்கவும். சூப்பரான சின்னம்மன் ரோல் தயார். நன்றி