பீட்ரூட்டை துருவி எடுத்து வெளிவரும் சாரை பிழிந்து தனியாக எடுத்து வைத்துக் கொள்ளவும். வடைக்கு நீர் அதிகமாக இருந்தால் வடிவம் தட்ட சரி வராது. பீட்ரூட் சாறை வீணாக்காமல் நாம் தனியாக அருந்தவோ வேறு சமையலிலோ சேர்த்துக் கொள்ளலாம்.

அரைப்பதற்கு கடலைப்பருப்பு சோம்பு பூண்டு பெருங்காயம் சேர்த்து மிக்ஸியில் போட்டு தண்ணீர் சேர்க்காமல் அரைத்து எடுத்து வைத்துக் கொள்ளவும்.

அரைத்த மாவில் துருவிய பீட்ரூட், நறுக்கிய வெங்காயம், மல்லி கருவேப்பிலை, உப்பு மிளகாய்தூள், கரம் மசாலாத்தூள் சேர்த்து நன்றாக பிசைந்து வைத்துக் கொள்ளவும்.

பிணைந்த மாவை சிறுசிறு உருண்டைகளாக பிடித்து வடை வடிவத்தில் தட்டி சூடான எண்ணெயில் மிதமான தீயில் இருபுறமும் பொரித்து எடுக்கவும்.