ஒரு பாத்திரத்தில் தயாராக வைத்துள்ள தோசை மாவை எடுத்து, தோசை தவாவை சூடு செய்து, மாவை ஊற்றி இலேசாக தேய்க்கவும். அதன் மேல் ஒரு முட்டையை உடைத்து ஊற்றி, மிளகுத்தூள் தூவி, அதன் மேல் கொஞ்சம் நல்லெண்ணெய் தூவவும். முட்டையை சேர்த்து தேய்த்து விடவும். வெந்தவுடன் திருப்பிப்போட்டு எடுக்கவும்.இப்போது முட்டை மிளகு தோசை தயார்.

அடுத்த தோசைக்கு மாவை ஊற்றி தேய்த்து விட்டு, பொடியாக நறுக்கிய வெங்காயம், தக்காளி, மல்லி இலை, மிளகுத்தூள், காரம் மசாலா தூள் தூவி, அதன் மேல் ஒரு முட்டையை உடைத்து ஊற்றி, நன்கு தேய்த்து விடவும். மேலே எண்ணை தூவவும். வெந்தவுடன் திருப்பி போட்டு இறக்கவும். இப்போது முட்டை மசாலா தோசை தயார்.

இந்த முட்டை மிளகு தோசை மற்றும், முட்டை மசாலா தோசை இரண்டு வித சுவையான தோசைகளை அனைவரும் செய்து சுவைக்கவும்.