நன்கு பழுத்த எலுமிச்சை பழங்களை கழுவி ஈரம் இல்லாமல் துடைத்து, நறுக்கி வைத்துக்கொள்ளவும். உங்கள் விருப்பப்படி பெரிய சிறிய அளவில் துண்டுகளாக நறுக்கவும்.

ஒரு கப் துண்டுக்கு மூன்று டேபிள் ஸ்பூன் உப்பு சேர்த்து நன்கு கலந்து மூடி வைக்கவும். கண்ணாடி பீங்கான் பாத்திரம் சிறந்தது. தினமும் எடுத்து ஈரம் கொஞ்சம் கூட இல்லாத கரண்டி வைத்து கலந்து விடவும். ஒரு வாரம் வரை இதே போல் செய்ய வேண்டும்.

வெந்தயம், கடுகு இரண்டையும் வெறும் வாணலியில் வறுத்து மிக்ஸியில் பொடி செய்து வைத்துக்கொள்ளவும்.

பின்னர் வாணலியில் நல்லெண்ணெய் ஊற்றி சூடானதும் கடுகு, கறிவேப்பிலை, வற்றல் மிளகாய் சேர்த்து ஸ்டவ்வை ஆப் விட்டு பெருங்காயத்தூள், வெந்தயத்தூள், கடுகுத்தூள், மிளகாய் தூள் சேர்த்து கலந்து, எலுமிச்சை துண்டுகளில் சேர்க்கவும்.

*ஊறுகாயில் எண்ணை மேலே மிதக்கும் அளவுக்கு இருக்க வேண்டும். அப்போதுதான் நீண்ட நாட்கள் கெடாமல் இருக்கும். எண்ணை குறைவாக இருந்தால், மேலும் கொஞ்சம் எண்ணையை சூடு செய்து ஊற்றி வைக்கவும்.

இந்த ஊறுகாய் ஒரு வருடம் ஆனாலும் கெடாமல் இருக்கும்.நான் இந்த ஊறுகாயை போன ஏப்ரல் மாதம் செய்தது. இன்னும் அதே சுவை, அதே கலர். எனவே இதே முறையில் அனைவரும் வீட்டிலேயே எலுமிச்சை ஊறுகாய் தயார் செய்யவும்.