ஜவ்வரிசியை இரண்டு முறை கழுவி, மூழ்கும் அளவுக்கு தண்ணீர் சேர்ந்து நான்கு மணி நேரம் உறவைக்கவும்.

பின்னர் ஒரு அடிகனமான பாத்திரத்தில் மூன்று கப் தண்ணீர், தேவையான அளவு உப்பு சேர்த்து கொதிக்க வைக்கவும். கை விடாது கலக்க வேண்டும். மிக்ஸியில் பச்சை மிளகாய், சீரகத்தை விழுதாக அரைத்து, வடிக்கரண்டி வைத்து வடித்து கொதிக்கும் ஜவ்வரிசி கஞ்சியில் ஊற்றி நன்கு கலக்கவும். கொஞ்சம் கெட்டியானதும் ஸ்டாவ் ஆப் செய்துவிடவும்.

ஓரளவு சூடாறியவுடன் எடுத்து ஒரு வெள்ளைத்துணி அல்லது பாலிதீன் சீட் மேல் உங்கள் விருப்பம் போல் விட்டு காயவைக்கவும். நல்ல வெயில் இருந்தால் இரண்டு நாட்களில் காய்ந்து, மொறு மொறு வடாம் பொறிக்கத்தயாராகிவிடும்.

இதே முறையில் பச்சை மிளகாய், சீரகத்திற்கு பதில் மிளகாய் தூள், சீரகத்தூள் சேர்த்தும் செய்யலாம். அது தான் படத்தில் உள்ள கொஞ்சம் பழுப்பு நிறத்தில் உள்ளது.

மேலே உள்ள இரண்டு வட்ட வடிவில் உள்ள வடாம் உப்பு, நிறைய தண்ணீர் மட்டும் சேர்த்து ஜவ்வரிசி நன்கு கரையும் வரை கலந்து, ஸ்பூனில் எடுத்து ஊற்றி காயவைத்து எடுத்தது.

இந்த வடாம் ஒரு காற்று புகாத கன்டைனரில் போட்டு வைத்துக்கொண்டு, தேவைப்படும் போது எடுத்து வாணலியில் எண்ணெய் சேர்த்து நல்ல சூடானதும் போட்டு உடனடியாக எடுத்துவிட வேண்டும். ***வடாம் பொறிக்க எண்ணை சூடாக இருக்கவேண்டும். போட்டு உடனே எடுத்துவிடவேண்டும். ஜவ்வரிசிக்கலவையை கைவிடாது கலகக்கிக்கொண்டே இருக்க வேண்டும்.

இதுபோல் நிறைய மாற்றங்கள் செய்து வடாம் தயார் செய்யலாம். நல்ல வெயில் காலத்தில் தான் இதே போல் வடாம், பொடிகள் எல்லாம் தயார் செய்து வருடக்கணக்கில் சேமித்து வைக்க முடியும்.