முட்டை டிக்கா / egg tikka (Muttai tikka recipe in tamil)

முதலில் பாத்திரத்தில் முட்டைகளை உடைத்து ஊற்றவும் பிறகு இதில் உப்பு மிளகுத்தூள் சேர்க்கவும்

இப்போது இவை அனைத்தும் ஒன்றோடு ஒன்று கலக்குமாறு நன்றாக கிளறவும்

பாத்திரத்தில் எண்ணெய் தேய்த்து கலந்து வைத்த முட்டை கலவையை இதனுடன் ஊற்றவும் பிறகு ஒரு சட்டியில் தண்ணீர் ஊற்றி ஸ்டாண்ட் வைத்து தண்ணீர் கொதி வந்த பிறகு ஊற்றி வைத்த முட்டை பாத்திரத்தை வைத்து 20 நிமிடம் மிதமான தீயில் மூடி போட்டு வேக வைக்கவும்

20 நிமிடம் கழித்து ஒரு குச்சியால் குத்தி பார்க்கவும் குச்சியில் எதுவும் ஒட்டாமல் வந்தால் வெந்து விட்டது என்று அர்த்தம் இல்லை எனில் மீண்டும் 5 நிமிடம் மிதமான தீயில் வைக்கவும் பிறகு இதனை படத்தில் காட்டியவாறு சிறு சிறு சதுர துண்டுகளாக வெட்டிக் கொள்ளவும்

ஒரு பாத்திரத்தில் கெட்டித் தயிர் மிளகாய்த் தூள் கரம் மசாலா மஞ்சள் தூள்

இஞ்சி பூண்டு விழுது உப்பு சேர்த்து நன்றாக கலந்து கொள்ளவும் பிறகு இதில் வேக வைத்து வெட்டி வைத்துள்ள முட்டை, சதுரமாக வெட்டிய வெங்காயம் குடை மிளகாயை சேர்க்கவும்

இப்போது இந்த கலவையை 15 நிமிடம் ஊறவைக்கவும் பிறகு டிக்கா குச்சியில் குடைமிளகாய் வெங்காயம்

முட்டை என அடுக்கடுக்காக படத்தில் காட்டியவாறு அடக்கிக் கொள்ளவும்... தோசை சட்டியை வைத்து தோசை சட்டி சூடானதும் அதில் சிறிது எண்ணெய் தேய்த்து அடுக்கி வைத்துள்ள முட்டையை சேர்க்கவும்

மிதமான தீயில் 30 நொடிகள் வைக்கவும் பிறகு திருப்பிப் போட்டு 30 நொடிகள் வைக்கவும் இதேபோல் 3 நிமிடம் சுட்டு எடுக்கவும்

சுவையான வித்தியாசமான முட்டை டிக்கா தயார்