ஒரு அடி கனமான பாத்திரத்தில் 4கப் தண்ணீர் எடுத்துக் கொண்டு அதில் தேவையான அளவு உப்பு, ஒரு ஸ்பூன் நெய் சேர்த்து கொதிக்க விடவும். தண்ணீர் நன்கு கொதித்த உடன் 1/2மணி நேரம் ஊற வைத்த அரிசியை சேர்த்து நன்கு சாதம் குழைய வேகும் வரை கொதிக்க விடவும்.

சாதம் நன்கு வெந்த உடன் தீயை குறைத்து வைத்து 2கப் கேழ்வரகு மாவை சாதத்தின் மேல் தூவவும். பின்னர் மூடி போட்டு 15நிமிடம் வேக விடவும் (கிளற கூடாது)

பின்னர் மூடியை திறந்து ஒரு கரண்டி கொண்டு கேழ்வரகு மாவும் சாதமும் நன்கு சேருமாறு கட்டி இல்லாமல் கிளறவும். இடையில் சிறிது நெய் சேர்த்து கிளறவும். பின் மீண்டும் மூடி போட்டு 5நிமிடம் வேக விட்டு தீயை அணைக்கவும்.

பின்னர் ஒரு கிண்ணத்தில் சிறிது நெய் தடவி அதில் கேழ்வரகு களியை வைத்து சுற்றினால் ராகி களி தயார். அல்வா வை போல் சாப்பிட அருமையான உணவு. கறி குழம்பு, கருவாட்டு குழப்பு, எண்ணெய் கத்தரிக்காய் ஆகியவற்றுடன் சாப்பிட அருமையாக இருக்கும்.