காலிபிளவரை பூ பூவாக பிரித்து சுடு தண்ணீர் சேர்த்து 2 நிமிடம் வேக வைத்து தண்ணீரை வடிகட்டி வைக்கவும். நான் இதில் அஜினமோட்டோ சேர்க்கவில்லை. வெங்காயம் பூண்டை நைசாக கட் பண்ணி வைக்கவும்.

ஒரு பௌலில் மைதா கார்ன்ஃப்ளார் உப்பு சிறிது சில்லி பவுடர் கால் டீஸ்பூன் சோயா சாஸ் சிறிது பூண்டு எல்லாவற்றையும் தண்ணீர் ஊற்றி பஜ்ஜி மாவு விடசிறிது தண்ணீராக கலந்து கொள்ளவும்.

இந்த மாவில் காலிபிளவரை நனைத்து எண்ணெயில் பொரித்தெடுக்கவும். காலிஃப்ளவர் ஒன்றோடொன்று ஒட்டிக் கொண்டு வரும் பரவாயில்லை கடைசியாக கிளறும் போது சரியாகிவிடும்.

மற்றொரு பௌலில் சிறிது எண்ணெய் விட்டு அதில் பச்சை மிளகாய் சிவப்பு மிளகாய் அரிந்த வெங்காயம் வெங்காயத் தாள் (வெங்காயத்தாள் நான் சேர்க்கவில்லை)போட்டு வதக்கவும். வெங்காயம் வாசம் போனதும் சோயா சாஸ் சேர்த்து அரை டம்ளர் தண்ணீர் சேர்த்து கொதிக்கவிடவும்

இரண்டு ஸ்பூன் கார்ன்ஃப்ளாரை சிறிது நீரில் கரைத்து சேர்த்து கொதிக்க விடவும்..பரிமாறும் பொழுது பொரித்த காலிஃப்ளவர் மீது சூடான கிரேவி ஊற்றி உடனடியாக பரிமாறவும்