ஒரு பவுலில் அரிசியை கழுவி சுத்தம் செய்து தண்ணீர் ஊற்றி 4மணி நேரம் ஊற வைக்கவும்.பிறகு தண்ணீர் இல்லாமல் வடிகட்டி எடுத்து கொள்ளவும்.

பின்னர் மிக்ஸியில் அரிசி, வெல்லம கரைசல் ஊற்றி நன்கு மையாக அரைத்து எடுத்து கொள்ளவும்.

பிறகு இதில் வாழைப்பழம், ஏலக்காய் சுக்கு சேர்த்து அரைத்து கொள்ளவும். மாவில் உப்பு சேர்த்து நன்கு கலந்து விட்டு 2 மணி நேரம் அப்படியே வைக்கவும்.

பிறகு தாளிப்பு கரண்டியில் நெய் 2ஸ்பூன் விட்டு தேங்காய் சிறு சிறு பல் போல நறுக்கி சேர்த்து பொன்னிறமாக பொரித்து சூடு ஆறிய பின் இந்த மாவில் சேர்க்கவும்.இதில் கருப்பு எள் சேர்த்து கலந்து விடவும்.

அடுப்பில் பணியாரக்கல் வைத்து எல்லா குழியிலும் நெய் ஊற்றி கொள்ளவும். பிறகு குழியில் முக்கால் பாகம் மாவு இருக்கும் படி ஊற்றவும்.

பிறகு ஒரு பக்கம் வெந்ததும் மறு பக்கம் திருப்பி போட்டு வேக வைத்து எடுக்கவும். சூப்பரான சுவையில் கேரளா மக்கள் விரும்பி உண்ணும் உன்னியப்பம் அல்லது நெய்யப்பம் தயார். நன்றி