முதலில் வெறும் வாணலியில் துவரம்பருப்பை நன்கு வாசம் வரும் வரை சிவக்க வறுத்துக்கொள்ளவும். தனியாக எடுத்து வைத்துக் கொள்ளவும். அதே வாணலியில் ஒரு ஸ்பூன் எண்ணெய் சேர்த்து அதில் வரக்கொத்தமல்லி, சீரகம், மிளகாய், புளி, பூண்டு 5 பல், சேர்த்து நன்கு வதக்கிக் கொள்ளவும். தனியாக எடுத்து வைத்துக் கொள்ளவும்.

வருத்த துவரம்பருப்பை மிக்ஸியில் சேர்த்து கரகரப்பாக அரைத்துக் கொள்ளவும். பிறகு அதில் மஞ்சள் தூள், மீதி பூண்டுப்பல்,உப்பு, தங்களுக்கு விருப்பம் என்றால் சிறிது வெல்லம் சேர்த்து மீண்டும் மிக்ஸியை ஓட விடவும். இவற்றுடன் வறுத்து வைத்த பொருட்களை சேர்த்து கொஞ்சம் தண்ணீர் சேர்த்து துவையலாக அரைத்து கொள்ளவும்.நான் கொஞ்சம் கரகரப்பாக அரைத்துக் கொண்டேன். தங்களுக்கு தேவையான படி அரைத்துக் கொள்ளவும்.

அரைத்த துவையலை ஒரு கப்பில் மாற்றி கொள்ளவும்.வாணலியில் ஒரு ஸ்பூன் எண்ணெய் சேர்த்து கடுகு, உளுத்தம் பருப்பு, கடலைப் பருப்பு, சீரகம், கறிவேப்பிலை, பெருங்காயத்தூள் சேர்த்து தாளித்து துவையலில் சேர்த்துக்கொள்ளவும். சுவையான கண்டி பச்சடி ரெடி.