அகர் அகர் ஹல்வா

அகர் அகரை ஒன்று இரண்டாக பிச்சு நன்கு கழுவி வடிகட்டி அரை லிட்டர் காய்ச்சிய பாலில் ஒரு மணி நேரம் ஊற விடவும். ஒரு சிட்டிகை இட்லி சோடாவும் சேர்க்கவும்.இவ்வாறு சேர்ப்பதனால் அகர் அகர் அடுப்பில் சமைக்கும் பொழுது பால் திரியாமல் இருக்கும்.

இப்பொழுது ஒரு லிட்டர் பாலை அடுப்பில் காய வைக்கவும். பால் பொங்கி வந்த பின் மிதமான தீயில் நன்றாக சுண்ட விடவும்.

சுண்டிய பால் 200 மில்லி அளவு வரும்பொழுது அகர் அகர் ஊற வைத்த பாலை இதில் சேர்க்கவும்.இந்தக் கலவையை கிளறிக் கொண்டே இருக்கவும் அகர் அகர் நன்கு கரைந்த பின் எடுத்து வைத்துள்ள சர்க்கரையை சேர்த்து கரைய விடவும்.

இந்த பச்சை கலவையை நெய் தடவிய தட்டில் ஊற்றி 5 நிமிடம் காத்திருக்கவும்.பிறகு அடுப்பில் இருக்கும் கலவையிலிருந்து மற்றும் ஒரு பங்கை எடுத்து வெள்ளை நிறத்தில் இருக்கும் அதை பச்சை கலவையின் மீது ஊற்றவும். அதன்பின் மற்றும் ஒரு ஐந்து நிமிடம் காத்திருக்கவும். இறுதியில் கடைசி பங்கில் சிவப்பு ஃபுட் கலரை கரைத்து நெய் தடவிய தட்டில் ஊற்றவும்.

இவ்வாறு ஃபுட் கலர் சேர்க்காமல் முழுவதும் வெள்ளை நிறமாகவும் இந்த இனிப்பை செய்யலாம். இம்மூன்று வண்ணங்களும் நம் தேசியக்கொடியின் வண்ணங்கள் ஆகும் ஆகவே குடியரசு தினம், சுதந்திர தினம் போன்ற தினங்களில் நடத்தப்படும் போட்டிகளில் இந்த ஹல்வாவை செய்தால் மிகவும் சிறப்பாக இருக்கும்.

மூன்று கலவைகளையும் ஊற்றியபின் குறைந்தது இரண்டு மணி நேரம் அப்படியே விடவும். அதன்பின் இது நன்கு ஹல்வா பதத்திற்கு இறுகி விடும் அதன் பின் இதனை வேண்டிய வடிவத்தில் வெட்டி பரிமாறலாம். பரிமாறும் நேரத்தில் நறுக்கிய பாதாம்,முந்திரி அல்லது தேவையான நட்ஸ் கொண்டு பரிமாறலாம். மேலும் இரண்டு நாட்களுக்கு குளிர்சாதனப் பெட்டியில் வைத்து உண்ணலாம். கண்கவரும் வண்ணங்களில் மிகவும் சுவையான அகர் அகர் அல்வா தயார். வாருங்கள் அனைவரும் உண்டு மகிழலாம்.