முதலில் தேவையான பொருட்கள் அனைத்தையும் தயாராக எடுத்து வைக்கவும். எடுத்து வைத்துள்ள சிறு தானிய வகைகளை தண்ணீரில் அலசி சுத்தம் செய்து விட்டு, மீண்டும் தண்ணீர் சேர்த்து 4-6 மணி நேரம் வரை ஊறவைத்து கொள்ளவும். நன்றாக அரைத்துக் கொள்ளவும்.

அரைத்த மாவை 4-5 மணி நேரம் புளிக்க விடவும். பின்னர் பொடியாக நறுக்கிய வெங்காயம் பச்சைமிளகாய் கறிவேப்பிலை கொத்தமல்லி இலை தேவையான அளவு உப்பு சேர்த்து நன்றாக கலந்து கொள்ளவும். மாவை இட்லி மாவு பதத்திற்கு கலந்து கொள்ளவும். ஒரு தோசை கல்லை அடுப்பில் வைத்து சூடானதும் அதில் 1 டீஸ்பூன் எண்ணெய் விட்டு காய்ந்ததும் அதில் ஒரு கரண்டி மாவை எடுத்து சிறிது திக்கான பதத்திற்கு அடை தோசையாக ஊற்றவும். ஒரு டீஸ்பூன் எண்ணெய் விட்டு இருபுறமும் நன்றாக மிதமான தீயில் வேகவிடவும்.

இப்போது சூடான சுவையான ஆரோக்கியமான சிறு தானிய அடை தோசை ரெடி. இதற்கு தேங்காய் சட்னி மற்றும் தக்காளி கார சட்னி வைத்து சாப்பிட்டால் மிகவும் சுவையாக இருக்கும். நன்றி.ஹேமலதா கதிர்வேல்.