ஒரு கடாயில் நெய் மற்றும் எண்ணெய் சேர்த்து பட்டை லவங்கம் ஏலக்காய் பிரிஞ்சி இலை தாளித்து அதனுடன் பொடியாக நறுக்கிய முந்திரிப்பருப்பு சேர்த்து பொன்னிறமாக வதக்கவும்.அதனுடன் இஞ்சி பூண்டு விழுது சேர்த்து பச்சை வாசனை போன பின் நீளவாக்கில் நறுக்கிய வெங்காயம் சேர்த்து பொன்னிறமாக வதக்கவும்.

பாஸ்மதி அரிசியை தண்ணீர் வடித்து கடாயில் சேர்த்து ஒரு நிமிடம் வதக்கி பின்பு அதில் இரண்டரை கப் தண்ணீர் மற்றும் தேவைக்கேற்ப உப்பு சேர்த்து கலந்து விட்டு மூடி வைத்து வேக வைக்கவும்.அரிசி முக்கால் பதம் வெந்தவுடன் பாலில் ஊற வைத்திருக்கும் குங்குமப்பூவை அதில் சேர்த்து விடவும்.

மீண்டும் மூடி வைத்து மிதமான தீயில் அரிசியை நன்கு வேகும் வரை வேக வைத்து இறக்கினால் மிகவும் ருசியான கமகமக்கும் சாஃப்ரான் ரைஸ் ரெடி.இந்த சாதம் வட இந்தியாவில் மிகவும் பிரபலம்.