பச்சரிசியை ஊற வைத்து சாதத்தை உதிரியாக வடித்து வைத்துக் கொள்ளவும். எண்ணெய் சேர்த்து ஆறவிடவும். அரை மூடி தேங்காயை துருவி வைத்துக் கொள்ளவும். மற்ற தேவையான பொருட்களை எடுத்து வைத்துக் கொள்ளவும்.

ஒரு பெரிய வாணலியில் ஒரு ஸ்பூன் எண்ணெய் சேர்த்து அதில் கடுகு, உளுத்தம்பருப்பு, கடலைப்பருப்பு, முந்திரி அல்லது வேர்க்கடலை, பொடியாக அரிந்த பச்சை மிளகாய், கருவேப்பிலை மற்றும் பெருங்காயத்தூள் சேர்த்து தாளிக்கவும். இவை சிவந்ததும் தேங்காய் துருவலை சேர்த்து நன்கு கிளறவும். தேங்காய் துருவல் சிவக்காமல் நன்கு வாசம் வந்தவுடன் அடுப்பை நிறுத்தி விடவும். இதில் தேவையான அளவு தூள் உப்பு சேர்த்து கலந்து கொள்ளவும். பொடியாக அரிந்த கொத்தமல்லித்தழை சேர்த்துக் கொள்ளவும்.