முதலில் ஒரு பாத்திரத்தில் மைதா மாவு, தயிர், பொடித்த சர்க்கரை சேர்க்கவும்.

அதனோடு பேக்கிங் பவுடர், சமையல் சோடா மற்றும் உப்பு சேர்க்கவும்.

இதனுடன் 2 மேசைக்கரண்டி எண்ணெய் ஊற்றி, வெதுவெதுப்பான தண்ணீர் சேர்த்து மாவு பிசையவும்.

நன்கு மிருதுவான மாவாக பிசையவும்.இதனை மூடி வைத்து 2 மணி நேரம் ஊற விடவும். இரண்டு மணி நேரம் கழித்து மாவு உப்பி வரும்.

உப்பி வந்த மாவை பன்ச் செய்து மீண்டும் பிசைந்து கொள்ளவும். இதனை சிறு சிறு உருண்டைகளாக பிடிக்கவும். பிடித்த உருண்டைகளை நன்கு கைகளால் அமுத்தி ஒரே வடிவமாக உருட்டிக் கொள்ளவும்.

நான் செய்வதற்கு முன் நறுக்கிய கொத்தமல்லி இலைகள், பெருஞ்சீரகம் மற்றும் ஒரு கிண்ணத்தில் தண்ணீரை தயாராக வைத்துக் கொள்ளவும்.ஒரு உருண்டையை எடுத்து சப்பாத்தி கல்லில் நன்கு தேய்க்கவும்,நீளவாக்கிலும் தேய்க்கலாம்.அதன் மேல் சிறிது கருஞ்சீரகத்தை தூவவும்.

அதற்கு மேல் சிறிது கொத்தமல்லி இலைகளை தூவவும். பின் சப்பாத்தி உருட்டும் கட்டையை வைத்து மேலே லேசாக தேய்க்கவும்‌. இப்படி செய்வதனால் கொத்துமல்லி இலைகளும், பெருஞ்சீரகமும் சுட்டு எடுத்த பின் நானை விட்டு வெளியே வராது.

ஒரு இரும்பு தோசைக்கல்லை அடுப்பில் காய வைக்கவும்.கைப்பிடி இருந்தால் மிகவும் சுலபமாக இருக்கும். இப்போது நானின் பின் பக்கத்தில் தண்ணீர் தடவவும். இதனை தோசைக்கல்லின் மேல் போடவும்.

நானின் மீது பப்பிள்ஸ் வரும் நேரத்தில் அதனை அப்படியே தோசை கல்லின் கைப்பிடியைப் பிடித்து திருப்பி அடுப்பின் தீயில் நேராக சுட்டு எடுக்கவும். கைகளை சுழற்றி சுழற்றி சுடவும். இவ்வாறு செய்வதனால் நானின் முன்பக்கம் முழுமையாக வெந்து வரும். தயார் செய்த நானை ஒரு தட்டில் மாற்றி அதன் மேல் வெண்ணெய் தடவி பரிமாறவும்.

மிகவும் மிருதுவான பட்டர் நான் வீட்டிலேயே எளிமையாக தயார் செய்யலாம். தற்போது நான் சுவைப்பதற்கு தயார்.