ஒரு பௌலில் மைதா மாவு, நெய், உப்பு, பேக்கிங் பவுடர் சேர்த்து கலந்து, பின்பு கொஞ்சம் தண்ணீர் சேர்த்து கை வைத்து நன்கு மாவு பிசையவும்.

ஒரு பாத்திரத்தை ஸ்டவ்வில் வைத்து, சர்க்கரை சேர்த்து, மூழ்கும் அளவு தண்ணீர் சேர்த்து சூடாக்கவும். கொதித்து சர்க்கரை பாகு பதத்திற்கு முன்பு எடுத்து விடவும். பாகில் ஏலக்காய் தூள் சேர்த்து கலந்து இறக்கவும்.

அதன் பின் தயாராக வைத்துள்ள மாவை எடுத்து சப்பாத்தி போல் தேய்க்கவும். தேய்க்கும்போது மாவு தூவி தேய்க்கவும்.பின் ரோல் செய்யவும். சிறிய துண்டுகளாக கட் செய்யவும்.

கட் செய்த துண்டுகளை, பெருவிரல் வைத்து ஒரு அழுத்தம் கொடுத்து, சப்பாத்தி ரோலர் வைத்து மெதுவாக தேய்த்து வைத்துக்கொள்ளவும்.

அதன்பின் கடாயில் எண்ணை ஊற்றி சூடு செய்து, மிதமான சூட்டில் வைத்து தயார் செய்து வைத்துள்ள கஜாக்களை போட்டு, பொன்னிறமாக பொறித்து எடுக்கவும்.

பொறித்தெடுத்த கஜாக்களை முதலில் தயாரித்து வைத்துள்ள சர்க்கரை பாகில் போட்டு ஐந்து நிமிடங்கள் விட்டு எடுத்தால் காஜா தயார்.