முதலில் தேவையான பொருட்கள் அனைத்தையும் தயாராக எடுத்து வைக்கவும். ஒரு கடாயில் ஒரு டீஸ்பூன் நெய் விட்டு காய்ந்ததும் அதில் கடலை மாவை சேர்த்து சிறிது வறுத்து எடுத்து வைத்துக் கொள்ளவும். பின்னர் மாவுடன் ஒரு டீஸ்பூன் நெய் கால் கப் எண்ணெய் சேர்த்து கட்டிகளில்லாமல் கரைத்து வைத்துக் கொள்ளவும்.

ஒரு கடாயில் ஒன்றரை கப் சர்க்கரை இரண்டு கப் தண்ணீர் சேர்த்து சர்க்கரை கரையும் வரை நன்றாக கொதிக்க விடவும். சர்க்கரை நன்றாக கரைந்ததும் கலந்து வைத்துள்ள மாவுக் கரைசலை சேர்த்து கைவிடாமல் கிளறிக் கொண்டே இருக்கவும்.

கரைசல் சேர்த்து நன்றாக கைவிடாமல் கிளறி கொண்டே இருக்கவும். நன்றாக மாவு இறுகி கடலை மாவு மணம் வரும் வரை கிளறிக் கொண்டே இருக்கவும். இடையில் ஒரு டீஸ்பூன் நெய் சேர்த்து நன்றாக கிளறி விடவும். கடாயில் ஒட்டாமல் நன்றாக திரண்டு வரும் வரை கிளறிக் கொண்டே இருக்கவும். இடையிடையே தேவையான அளவு நெய் சேர்த்து நன்றாக கிளறி விடவும்.

கடாயில் ஒட்டாமல் வந்தவுடன் அதை ஒரு நெய் தடவிய தட்டில் ஊற்றி நன்றாக பரப்பி விடவும்.மீண்டும் அரை டீஸ்பூன் நெய் சேர்த்து மேற்புரம் தடவி விடவும். நன்றாக ஆறியதும் கத்தியை வைத்து தேவையான அளவு பீஸ் போட்டு எடுத்து வைத்துக் கொள்ளவும். இப்போது மிருதுவான நெய் மணக்கும் சுவையான மைசூர் பாக் ரெடி. நன்றி. ஹேமலதா கதிர்வேல்.