முதலில் இரண்டு கப் கடலைப்பருப்பு எடுத்து நன்றாக கழுவி இரண்டு மணி நேரம் ஊற வைத்துக் கொள்ளவும். பின்னர் தண்ணிர் இல்லாமல் சல்லடையில் வடித்துக் கொள்ளவும்.

மிக்ஸி ஜாரில் எடுத்து கொரகொரப்பாக அரைத்துக் கொள்ளவும். தண்ணீர் விடாமல் அரைக்கவும்.

ஒரு கடாயில் பொரிக்க தேவையான அளவு எண்ணெய் ஊற்றி எண்ணெய் சூடானதும் கொஞ்சம் கொஞ்சமாக எடுத்து போட்டு பொரிக்கவும். பக்கோடா பொரிப்பது போல் பொரித்துக் கொள்ளவும்.

கருக விடாமல் மஞ்சள் நிறம் வந்தவுடன் என்னை இல்லாமல் வடித்து எடுத்துக் கொள்ளவும். நன்றாக ஆற வைத்துக் கொள்ளவும்

கடலைப் பருப்பு பக்கோடாவை மிக்ஸி ஜாரில் போட்டு கொரகொரப்பாக அரைத்துக் கொள்ளவும்.

இன்னொரு கடாயில் 2 கப் சர்க்கரை எடுத்து அரை கப் தண்ணீர் ஊற்றி நன்றாக காய்ச்சிக் கொள்ளவும். ஒரு கம்பி பதம் வர வேண்டும் அது வரை கிளறிக் கொண்டே இருக்கவும். ஒரு பின்ச் அளவு கேசரி பவுடர் சேர்த்துக் கொள்ளவும். மூன்று ஏலக்காயைத் தட்டிப் போட்டுக் கொள்ளவும்.

ஒரு கம்பி பதம் வந்தவுடன் அரைத்து வைத்த கடலை மாவு பக்கோடா துகள்களை அதனுடன் சிறிது சிறிதாக சேர்த்துக் கொள்ளவும். பின்பு அடுப்பை அனைத்து விட்டு வறுத்து வைத்த முந்திரி உலர் திராட்சை சேர்த்து நன்றாக கிளறவும்.

கை பொறுக்கும் அளவிற்கு சூடு ஆற ஆரம்பிக்கும். சிறு சிறு உருண்டைகளாக லட்டு பிடிப்பதுபோல் பிடித்து கொள்ளவும்

சுவையான பேக்கரியில் வாங்கும் மோத்தி சூர் லட்டு சுவையில் இருக்கும்.