பூண்டு கார முறுக்கு (Poondu kaara murukku recipe in tamil)

அரிசியை கழுவி 2 மணி நேரம் நன்கு ஊற வைத்துக் கொள்ளவும். ஒரு டம்ளர் குண்டு உளுத்தம்பருப்பை லேசாக வாசம் வர வறுத்துக்கொள்ளவும். சிவக்க வறுக்க வேண்டாம். ஆறவைத்து மிக்ஸியில் நைசாக அரைத்து சலித்து எடுத்து வைத்துக் கொள்ளவும். 1தம்ளர் மாவு தேவைப்படும்.அதேபோல் ஒரு டம்ளர் அளவிற்கு பொட்டுக்கடலையை மிக்ஸியில் அரைத்து சலித்து எடுத்து வைத்துக் கொள்ளவும். மற்ற தேவையான பொருட்களை எடுத்து வைத்துக் கொள்ளவும். முழு பூண்டை தோல் உரித்து வைத்துக் கொள்ளவும்.

மிக்ஸியில் மிளகாய், பூண்டு பற்கள், உப்பு பெருங்காயத்தூள் சேர்த்து கொஞ்சம் தண்ணீர் சேர்த்து நைசாக அரைத்துக் கொள்ளவும். கிரைண்டரில் அரிசியை சேர்த்து தண்ணீர் சேர்த்து நன்கு மசிய அரைத்துக் கொள்ளவும். அழைக்கும்போது மிக்ஸியில் அரைத்த மிளகாய் விழுதை சேர்த்து நைசாக அரைத்துக் கொள்ளவும். மாவு நன்கு மஹிந்தவுடன் வழித்து எடுத்துக்கொள்ளவும்.

அரிசி அரைத்த மாவில் உளுந்து மாவு, பொட்டுக்கடலை மாவு, சீரகம், எள்ளு, ஓமம், சேர்த்துக் கொள்ளவும். அரைக்கும்போது உப்பு சேர்த்திருப்பதால் உப்பு தேவை என்றால் தூள் உப்பு சேர்த்துக்கொள்ளவும்.தேவை என்றால் தண்ணீர் சிறிது சேர்த்து முறுக்கு பிழியும் பதத்திற்கு மாவை ரெடி செய்து கொள்ளவும்.இப்போது வெண்ணெய் சேர்த்து பிசைந்து கொள்ளவும். முறுக்கு புழியில் மாவை சேர்த்து ரெடி செய்து கொள்ளவும்.

ஒரு பெரிய வாணலியில் தேவையான எண்ணெய் சேர்த்து நன்கு சூடு செய்து கொள்ளவும். முறுக்கை பிழிந்து எண்ணெயில் சேர்க்கவும். இரண்டு புறமும் திருப்பிப் போட்டு சிவக்க விடவும். என்னை சத்தம் அடங்கியவுடன் முறுக்கை எண்ணெய் வடித்து எடுத்து விடவும்.