ஒரு பாத்திரத்தில் மைதா மாவு,உப்பு,சர்க்கரை சேர்த்து நன்கு கலந்து கொள்ளவும் பிறகு அதனுடன் எண்ணெய் மற்றும் தண்ணீர் சேர்த்து மாவை நன்கு பிசைந்து கொள்ளவும். மாவை நான்கு மணி நேரம் ஊற வைக்க வேண்டும்.

நான்கு மணி நேரம் கழித்து சிறு சிறு உருண்டைகளாக எடுத்து அதை சப்பாத்தி உருட்டுவது போல் விரித்துக் கொள்ள வேண்டும். பிறகு சிறிது எண்ணெய் ஊற்றி கொள்ள வேண்டும்.

பரோட்டாவிற்கு மாவை மடிப்பது போல் மடித்துக் கொள்ள வேண்டும்.

மடித்து வைத்த மாவை ஒருபுறமாக லேசாக விரித்துக் கொள்ள வேண்டும். பிறகு ஒரு வாணலியில் பொரிக்க தேவையான அளவு எண்ணெய் ஊற்றி கொள்ள வேண்டும்.

எண்ணெய் சூடானவுடன் தேய்த்த பரோட்டாக்களை எண்ணெயில் இட்டு நன்கு வெந்து இருபுறமும் சிவந்து வந்தவுடன் எண்ணையை வடிகட்டி பிளேட்டில் மாற்றவும்.

சுவையான பொரித்த பரோட்டா தயார்.