ஆப்பிளை கழுவி, தோல் உரித்து, துருவி வைத்துக்கொள்ளவும்.

ஒரு அகலமான பௌலில் மைதா மாவு, வெண்ணெய், ஒரு சிட்டிகை உப்பு சேர்த்து நன்கு விரல்களை கொண்டு பிசறி, மாவு உதிராமல் பிடிக்கும் அளவுக்கு நன்கு கலக்கவும்.

பின்னர் கொஞ்சம், கொஞ்சமாக தண்ணீர் கலந்து சப்பாத்தி மாவு பதத்திற்கு பிசையவும். பின்னர் மூடி பிரிட்ஜ்ஜில் முப்பது நிமிடங்கள் வைக்கவும்.

அந்த நேரம் ஒரு நான்ஸ்டிக் பாத்திரத்தை ஸ்டவ்வில் வைத்து சூடானதும், வெண்ணெய், துருவிய ஆப்பிள் சேர்த்து நன்கு கலக்கவும். பின் நாட்டு சர்க்கரை சேர்த்து கலக்கவும்.

ஐந்து நிமிடங்கள் கலந்ததும் ஏலக்காய் தூள், பட்டைத்தூள் சேர்த்து நன்கு கலந்து ஓரங்கள் ஒட்டாமல் வரும்போது இறக்கினால் ஆப்பிள் ப்பை பில்லிங் தயார்.

பின் வட்ட வடிவில் குக்கி கட்டர் வைத்து கட் செய்யவும்.

ஒரு வட்டத்தை எடுத்து அதில் தயார் செய்து வைத்துள்ள ஆப்பிள் ப்பை பில்லிங் வைத்து, அதன் மேல் மற்றொரு வட்டத்தை
வைத்து, விரல் வைத்து சுற்றிலும் அழுத்தி விடவும்.

மேலும் போர்க் வைத்து ஆப்பிள் பில்லிங் வைத்துள்ள மைதா வட்டம் முழுவதும் அழுத்தி விடவும்.

பேக்கிங் பிளேட்டில் வெண்ணெய் தடவி அதன் மேல் தயார் செய்து வைத்துள்ள ப்பைகளை இடைவெளி விட்டு வைக்கவும். சர்க்கரை கலந்த பால் வைத்து அதன் மேல் ப்ரெஷ் செய்யவும்.அதன் மேல் சர்க்கரை தூவவும்.

பின்னர் 190 டிகிரியில் பத்து நிமிடங்கள் ப்ரீஹீட் செய்த மைக்ரோ வேவ் ஓவனில் வைத்து இருப்பது நிமிடங்கள் பேக் செய்து எடுத்தால் ஆப்பிள் ஹேண்ட் ப்பை தயார்.