ஒரு பாத்திரத்தில் அரிசி வேகும் அளவிற்கு தண்ணீர் ஊற்றி அதனுடன் உப்பு மற்றும் ஒரு டேபிள்ஸ்பூன் எண்ணெய் சேர்த்து நன்கு கொதிக்க விட வேண்டும். தண்ணீர் கொதித்த பிறகு பாஸ்மதி அரிசியை மூன்று முறை அலசி அரை மணி நேரம் ஊறவைத்து தண்ணீருடன் சேர்த்து வேகவைத்து முக்கால் பதம் வேக விட வேண்டும்.

வெந்த அரிசியை தண்ணீர் வடிகட்டி விட்டு ஒரு ப்ளேட்டில் ஆற விட வேண்டும். பிறகு ஒரு கடாயில் 3 டேபிள்ஸ்பூன் எண்ணெய் ஊற்றி இஞ்சி மற்றும் பூண்டு சேர்த்து நன்கு வதக்கிக் கொள்ள வேண்டும். பிறகு வெங்காயத்தாளில் உள்ள வெங்காயத்தை மட்டும் நறுக்கி சேர்த்துக் கொள்ள வேண்டும். இதையும் சேர்த்து நன்கு வதக்க வேண்டும்.

இப்பொழுது கேரட், பீன்ஸ் மற்றும் குடைமிளகாய் சேர்த்து வதக்கிக் கொள்ள வேண்டும். காய்கறிகள் பாதி வதங்கினால் போதுமானது. பிறகு மிளகுத்தூள் சேர்த்து கொள்ள வேண்டும். இதனுடன் சோயா சாஸ் சேர்த்துக் கொள்ள வேண்டும். உப்பு சேர்த்துக் கொள்ள வேண்டும்.

அனைத்தும் நன்கு கலந்தபின் வேக வைத்து ஆற வைத்த அரிசியை சேர்த்துக் கொள்ள வேண்டும். கடைசியாக வெங்காயத்தாளை தூவி இரண்டு நிமிடங்கள் கழித்து இறக்க வேண்டும்.