1 கப் பாஸ்மதி அரிசியை கழுவி குக்கரில் 2 கப் தண்ணீர் விட்டு மூன்று விசில் வேக விட்டு, ஆற விடவும்.

1/4கப் காய்ந்த பட்டாணியை ஊற வைத்து குக்கரில் மூன்று விசில் வேகவைத்து தண்ணீரை வடித்து எடுத்து வைக்கவும்.

12 சின்ன வெங்காயம் தோல்நீக்கி கழுவி எடுத்து வைக்கவும்.
அரைப்பதற்கு 2 பச்சை மிளகாய், 2 டேபிள் ஸ்பூன் தேங்காய்த் துருவல் 1 டீஸ்பூன் சீரகம், 1 துண்டு இஞ்சி,4 பல் பூண்டு, 1/2 கட்டு கொத்தமல்லி தழை அனைத்தையும் மிக்ஸி ஜாரில் சேர்த்து சிறிது தண்ணீர் விட்டு நைஸாக அரைத்து வைக்கவும்.

குக்கரில் 3 டீஸ்பூன் ஆயில் விட்டு, 1 டீஸ்பூன் கடுகு, 1 டேபிள் ஸ்பூன் உளுந்து பருப்பு, 1 டேபிள்ஸ்பூன் கடலை பருப்பு, 8 உடைத்த முந்திரி, 1 வரமிளகாய் கிள்ளியது சேர்த்து பொன்னிறமாக வறுக்கவும். அதனுடன் 12 சின்ன வெங்காயம், வெந்த பட்டாணி சேர்த்து வதக்கவும். வெங்காயம் வதங்கியவுடன் அரைத்த விழுதை சேர்க்கவும்.

உப்பு சேர்த்து, அரைத்த விழுது பச்சை வாசனை நீங்க அடிக்கடி கிளறி கொதிக்க விடவும். நன்கு சுருள வதங்கியவுடன் வெந்த சாதத்தை சேர்க்கவும்.

நன்கு பிரட்டி விடவும். சுவையான பட்டாணி கொத்தமல்லி சாதம் ரெடி😋😋கொத்தமல்லி சாதத்திற்கு தொட்டுக்கொள்ள அப்பளம் பொரித்துக் கொடுத்தால் மிகவும் அருமையாக இருக்கும்.