கேரட், பீன்ஸ்,பெரிய வெங்காயம், குடை மிளகாய், வெங்காயத்தாள், கருவேப்பிலை, கொத்தமல்லி எல்லாவற்றையும் பொடியாக அரிந்து கொள்ளவும்.ஒரு வாணலியில் ஒரு டேபிள்ஸ்பூன் எண்ணெய் சேர்த்து ஒரு ஸ்பூன் கடுகு,உளுத்தம்பருப்பு, கடலைப்பருப்பு சேர்த்து சிவந்தவுடன் அதில் எல்லா காய்கறிகளையும், கருவேப்பிலை, வெங்காயம் சேர்த்து வதக்கவும். கொத்தமல்லித் தழையை இட்லி மாவில் தனியாக சேர்த்துக் கொள்ளவும்.

ஒரு ஐந்து நிமிடம் வதங்கியவுடன் எல்லாவற்றையும் மாவில் சேர்த்து கொள்ளவும். அரை ஸ்பூன் வரை தூள் உப்பு சேர்த்து நன்கு கலந்து கொள்ளவும்.. பணியாரக் கல்லை அடுப்பில் வைத்து நன்கு சூடு ஆனவுடன் எண்ணெய் அதில் ஊற்றவும். எண்ணெய் காய்ந்தவுடன் சிறிய கரண்டி கொண்டு ஒவ்வொரு குழியிலும் பணியார மாவு ஊற்றவும். மிதமான தீயில் அடுப்பை வைத்து மூடி வைத்து விடவும்.ஒரு புறம் சிவந்தவுடன் பணியார கம்பி கொண்டு திருப்பிவிட்டு மறுபுறமும் வேகவிட்டு எடுக்கவும்.