முதலில் ஒரு பாத்திரத்தில் தேவையான அளவு முட்டையை எடுத்து உடைத்து கொள்ளவும். பின்பு, அதில் மிளகாய்த்தூள், மஞ்சள்தூள் சேர்த்துக் கொள்ளவும்.

காரத்திற்கு ஏற்ப மிளகுத்தூள், உப்பு தேவையான அளவு, கடலை மாவு சேர்த்து நன்றாக கலக்கி கொள்ளவும்.

முட்டையுடன் மசாலா நன்று கலக்கும்படி நன்றாக அடித்துக் கொள்ளவும்.

ஒரு சிறிய டம்ளரில் நெய் தடவி கலக்கி வைத்த முட்டை மசாலாவை டம்ளரில் ஊற்றிக் கொள்ளவும். முட்டை அடியில் ஒட்டிக் கொள்ளாமல் இருப்பதற்காக நெய் தடவி உள்ளோம்.

இட்லி பாத்திரத்தில் தேவையான அளவு தண்ணீர் ஊற்றி இட்லி தட்டின் மேல் நாம் ஊற்றி வைத்த முட்டை மசாலா டம்ளரை அதில் வைத்து மூடி போட்டு ஒரு 15 நிமிடம் வேக வைக்கவும்.

பத்து நிமிடம் ஆன பின்பு ஒரு குச்சியை வைத்து உள்ளே சொருகி வெந்து விட்டதா என்று பார்க்கவும்.

நன்றாக வெந்தவுடன் அடுப்பை அணைத்து விட்டு டம்ளரை சுத்தி கத்தியால் எடுத்து விட்டு ஒரு தட்டில் தட்டிக் கொள்ளவும். பின்பு குல்பி குச்சி இருந்தால் அதை நாம் சொருகி கொள்ளலாம்.

படத்தில் காட்டியவாறு ஐஸ் குச்சி இருந்தால் சொருக்கிக் கொள்ளலாம். ஒரு கடாயில் பொரிக்க தேவையான அளவு எண்ணெய் ஊற்றி சூடேற்றவும்.

பிரட் துகள்கள் தயாராக எடுத்து வைத்துக் கொள்ளவும். ஒரு பாத்திரத்தில் ஒரு முட்டையை உடைத்து ஊற்றி ஒரு சிட்டிகை அளவு உப்பு சேர்த்து நன்றாக கலக்கி வைக்கவும்.

முட்டை மசாலா குல்பியை முட்டையில் பிரட்டி,பிரட் துகளில் பிரட்டிக் கொள்ளவும்.

எண்ணெய் சூடனதும் முட்டை மசாலா குல்பியை எண்ணெய்யில் போட்டு,மிதமான சூட்டில் பொன்னிறமாக பொரித்து எடுக்கவும்.

சுவையான மொறுமொறுப்பான காரசாரமான முட்டை கார குல்பி தயார்.குறிப்பு🤩 டம்ளரில் இருந்து எடுப்பதற்கு கொஞ்சம் சிரமமாக இருக்கும்,கத்தியை வைத்து மெதுவாக எடுக்கவும்.