முதலில் சீரகம், மிளகு, மிளகாய் சேர்த்து கரகரப்பாக அரைத்து எடுத்துக் கொள்ளவும். பின்னர் பூண்டு மற்றும் பச்சை மிளகாயை இடித்து எடுத்து கொள்ளவும். ஒரு கடாயில் எண்ணெய் ஊற்றி சூடானதும் வெந்தயம், சீரகம் மற்றும் கருவேப்பிலை சேர்த்து தாளிக்கவும். பின்னர் அரைத்த மிளகு, சீரகம், மிளகாய் பவுடர் மற்றும் இடித்து வைத்துள்ள பூண்டு, பச்சை மிளகாய் சேர்த்து நன்கு வதக்கவும். (வாசம் வரும் வரை வதக்கவும்).

பின்னர் பொடியாக நறுக்கி பின் கையினால் நன்றாக பிசைந்து வைத்துள்ள தக்காளி சேர்த்து நன்கு வதக்கவும். பின்னர் மஞ்சள் தூள் சேர்த்து கலந்து கொள்ளவும். பின்னர் 1கப் தண்ணீரில் கரைத்து வைத்துள்ள புளிக்கரைசலை சேர்த்து கொள்ளவும். மேலும் 2கப் தண்ணீர் மற்றும் தேவையான அளவு உப்பு சேர்த்து கொள்ளவும்.

பின்னர் ரசம் கொதிக்க ஆரம்பிக்கும் போது அடுப்பை அனைத்து விட்டு பின்னர் பொடியாக நறுக்கிய கொத்த மல்லி இலை மற்றும் 1/4ஸ்பூன் பெருங்காயத்தூள் சேர்த்து மூடி வைக்கவும். 10 நிமிடம் கழித்து பரிமாறவும். சுவையான ரசம் தயார்.