மஞ்சூரியன் தயார் செய்ய தேவையான பொருட்களை ரெடி செய்து கொள்ளவும்.கேரட், முட்டைகோஸ், வெங்காயம், வெங்காயத்தாள், எல்லாவற்றையும் பொடியாக அரிந்து கொள்ளவும்.1/2 டேபிள் ஸ்பூன், சில்லி சாஸ் அரை ஸ்பூன் உப்பு எடுத்துக் கொள்ளவும்.அரை ஸ்பூன் இஞ்சி பூண்டு விழுது தயார் செய்து கொள்ளவும். கால் கப் மைதா கால் கப் கார்ன்ஃப்ளார் ரெடி செய்து கொள்ளவும். இவை எல்லாவற்றையும் ஒரு பௌலில் சேர்த்து நன்கு கலந்து போண்டாமாவு செய்து கொள்ளவும். நீர் சேர்க்க வேண்டாம்.

ஒரு வாணலியில் பொரிக்கத் தேவையான எண்ணெய் சேர்த்து நன்கு காயவைத்துக் கொள்ளவும். சிறிய உருண்டைகளாக உருட்டி எண்ணெயில் போட்டு மிதமான தீயில் சிவக்க பொரித்தெடுக்கவும்.

இதற்கிடையில் ஒரு டம்ளர் பாஸ்மதி அரிசியை நன்கு கழுவி அரை மணி நேரம் ஊற வைத்துக் கொள்ளவும். ஒரு பாத்திரத்தில் தேவையான அளவு தண்ணீர் சேர்த்து கொதித்த உடன் அரிசியை சேர்த்து பதமாக வேக வைத்துக் வடித்து கொள்ளவும். குழைய விட வேண்டாம். அல்லது குக்கரில் குழைய விடாமல் வேக வைத்துக் கொள்ளவும்.

நான்ஸ்டிக் கடாயில் 2 டேபிள்ஸ்பூன் எண்ணெய் சேர்த்து அது காய்ந்தவுடன்,பொடியாக அரிந்த இஞ்சி பூண்டு,இரண்டாக அறிந்த ஒரு பச்சை மிளகாய் சேர்த்து உயர் தீயில் வதக்கவும். உடன் பொடியாக அரிந்த வெங்காயம் சேர்க்கவும்.பின்பு அதில் பொடியாக அரிந்த குடமிளகாய், கேரட் மற்றும் வெங்காயத் தாள் சேர்த்து லேசாக கலர் மாறும் வரை அதிக தீயில் வதக்கவும்.

பிறகு நடுவில் குழி செய்து அதில் அரை டேபிள்ஸ்பூன் ரெட் சில்லி சாஸ், 2 டேபிள்ஸ்பூன் சோயா சாஸ், 2 டேபிள் ஸ்பூன் வினிகர் சேர்த்து நன்கு கலந்து விடவும். அரை ஸ்பூன் தூள் உப்பு சேர்த்து கொள்ளவும்..கால் கப் கார்ன் மாவை கால் டம்ளர் தண்ணீரில் கட்டியில்லாமல் கரைத்து வைத்துக் கொள்ளவும். அதை இதில் சேர்த்து கலந்து விடவும். கெட்டியாகும்.

இப்போது பொரித்து வைத்த மஞ்சூரியன் உருண்டைகளை முட்டைகோசுடன் சேர்த்து அதிக தீயில் நன்கு ஒன்றுசேர்ந்து combine ஆகும் வரை கலந்து விடவும்.பிறகு வேக வைத்து ஆற வைத்த பாசுமதி அரிசியை சேர்த்து நன்கு சூடு ஏற கலந்து விடவும்.அரை ஸ்பூன் மிளகு தூள் சேர்த்து நன்கு கலந்து விடவும்.2 டேபிள்ஸ்பூன் பொடியாக அரிந்த வெங்காயத்தை சேர்த்து அலங்கரிக்கவும்.

சுவையான மஞ்சூரியன் ஃப்ரைடு ரைஸ் ரெடி. தொட்டுக்கொள்ள shorbaa அல்லது ஏதாவது ஒரு கிரேவி செய்து கொள்ளவும். இல்லையென்றால் ரைதா ஏதாவது ஒன்று செய்து கொள்ளவும்.