200 கிராம் பன்னீர் வாங்கி சிறிய துண்டுகளாக நறுக்கி வைக்கவும். 2 பெரிய வெங்காயம் தோல்நீக்கி கழுவி பொடியாக நறுக்கி வைக்கவும். 3தக்காளியை பொடியாக நறுக்கி வைக்கவும்.

கடாயில் 2 டேபிள் ஸ்பூன் வெண்ணெய் சேர்த்து பன்னீரை பொரித்து தனியாக எடுத்து வைக்கவும். அதே கடாயில் 1 துண்டு பட்டை, 3 கிராம்பு 2 ஏலக்காய்,1 துண்டு இஞ்சி, 6 பல் பூண்டு சேர்த்து, அதில் நறுக்கிய வெங்காயம், 5 வரமிளகாய் சேர்த்து நன்கு வதக்கி விடவும். அதனுடன் தக்காளியையும் சேர்த்து நன்கு வதக்கவும்.

1 டீஸ்பூன் மிளகாய்த்தூள், 1 1/2டீஸ்பூன் தனியாத்தூள், 1 டீஸ்பூன் கரம் மசாலாத் தூள் சேர்த்து நன்கு வதங்கியவுடன், 1 கைப்பிடி முந்திரிப் பருப்பையும் சேர்த்து வதக்கி, தண்ணீர் வற்றும் வரை வதக்கி விடவும்.

ஆறவிட்டு மிக்ஸியில் சேர்த்து நைசாக விழுதாக அரைத்து விடவும். கடாயில் 2 டேபிள் ஸ்பூன் வெண்ணெய் சேர்க்கவும்.

அரைத்த விழுதை சேர்த்து உப்பு சேர்த்து கொதிக்க விடவும். 1 கப் பச்சை பட்டாணியை வேகவைத்து தண்ணீரை வடித்து சேர்க்கவும்.

அடுப்பை சிம்'மில் வைத்து நன்கு கலக்கிவிட்டு கொதித்தவுடன், பொரித்து வைத்த பன்னீரை சேர்த்து மூடி வைத்து வேக விடவும்.

1 டீஸ்பூன் காசூரி மேத்தி சேர்த்து கலக்கிவிட்டு, 2 டேபிள் ஸ்பூன் ஃபிரஸ் க்ரீம், நறுக்கிய கொத்தமல்லித்தழை தூவி அலங்கரிக்கவும். சுவையான பட்டாணி பன்னீர் பட்டர் மசாலா ரெடி😋😋