பச்சைப் பட்டாணியை வேக வைத்துக் கொள்ளவும். முந்திரி, கசகசா இரண்டையும் ஊற வைத்துக் கொள்ளவும். பன்னீரை தோசைக்கல்லில் போட்டு பிரை செய்யவும்.

பெரிய வெங்காயம், தக்காளி நறுக்கி வைத்துக் கொள்ளவும். இரண்டு ஸ்பூன் தேங்காய் எடுத்து வைத்துக் கொள்ளவும்.

மசாலா அனைத்தையும் எடுத்து வைத்துக் கொள்ளவும். கடாயில் எண்ணெய் மற்றும் 3 ஸ்பூன் வெண்ணைசேர்த்து பட்டை, கிராம்பு, சோம்பு தாளித்து 1 வெங்காயம் சேர்த்து வதக்கவும். வெங்காயம் வதங்கியவுடன் இஞ்சி பூண்டு விழுது சேர்த்து நன்கு வதக்கவும்.

இஞ்சி பூண்டு வதங்கிய பின் 1 தக்காளி சேர்த்து வதக்கவும். இதில் மிளகாய்த்தூள், மஞ்சள்தூள், உப்பு, கொத்தமல்லித்தூள், கரம் மசாலாத்தூள் சேர்த்து நன்கு வதக்கவும். 3 பெரிய வெங்காயம், ஏழு தக்காளியை வதக்கி ஆறியபின் விழுதாக அரைத்து மசாலாவுடன் சேர்த்து நன்கு வதக்கவும்.

நன்கு வதங்கியவுடன் வேக வைத்த பச்சைப் பட்டாணியை சேர்க்கவும்.இப்பொழுதுகசகசா, முந்திரி, தேங்காய் அரைத்து சேர்க்கவும். தேங்காய் விழுது நன்கு கொதித்த உடன் பன்னீர் சேர்க்கவும்.

கஸ்தூரி மேத்தி சேர்த்து இறக்கவும்.