பிரஷர் பேனில் எண்ணெய் விட்டு காய்ந்தவுடன் கடுகு சேர்த்து பொரியவிடவும். பிறகு அதில் உளுத்தம் பருப்பு கடலைப் பருப்பு சேர்த்து சிவக்க விடவும்.பிறகு வெங்காயம் சேர்த்து லேசாக வதக்கவும் அதனுடன் அரை ஸ்பூன் சர்க்கரை சேர்த்துக் கொள்ளவும். பிறகு பச்சை மிளகாய்,இஞ்சி சேர்த்து வதக்கவும். பிறகு தக்காளி சேர்த்து வதக்கவும். இவை அனைத்தும் லேசாக வதங்கியவுடன் கேரட் உருளைக்கிழங்கு பட்டாணி இவை அனைத்தையும் சேர்த்து ஒரு நிமிடம் வதக்கி தண்ணீர் மஞ்சள் தூள் உப்பு சேர்த்து மூடிவைத்து ஒன்று அல்லது இரண்டு சவுண்ட் விடவும்.

காய்கள் வெந்தவுடன் குக்கர் மூடியைத் திறந்து தண்ணீர் பார்த்துக்கொள்ளவும். தங்களுக்கு தேவையான அளவு கன்சிஸ்டன்ஸி தண்ணீர் சேர்த்துக் கொள்ளவும். பிறகு கரைத்து வைத்த கடலை மாவை சேர்த்துக் கொள்ளவும். (பொட்டுக்கடலை அரைத்து மசாலில் சேர்த்தால் மிகவும் சுவையாக இருக்கும். ஐயர் டிப்ஸ் இது.) மசாலாவை கொதிக்கவிடவும். கடலை மாவு பச்சை வாசனை போன பிறகு அடுப்பை நிறுத்திவிட்டு கொத்தமல்லி கறிவேப்பிலை சேர்த்துக் கொள்ளவும்.

சுவையான விசேசங்களில் அய்யர்கள் செய்யும் மசால் தயார். பூரி தோசை சப்பாத்தி போன்றவற்றிற்கு இந்த மசால் சுவையாக இருக்கும்.